Almatyda Qala kúninde qaıda barýǵa bolady
Almaty kúnin toılaý kezinde qaladaǵy metro naǵyz óner alańyna aınalady. Munda jonglerler, akrobattar, sımfonııalyq jáne djaz orkestrleri óner kórsetedi. Metro beketterinde qala mýzeıleri, kitaphanalary jáne memlekettik arhıv uıymdastyrǵan úlken kórme ótedi.
Jalpy qyrkúıek aıynyń sońyna deıin aýqymdy mádenı baǵdarlama ázirlengen. Almatylyqtardy alǵashqylardyń biri bolyp «Dos-Muqasan» quttyqtaıdy. Aty ańyzǵa aınalǵan ansambldiń kontserti 11 qyrkúıekte saǵat 19:00-de «Alataý» dástúrli óner teatrynyń aldynda ótedi. Odan keıin dál osy alańda saǵat 20:00-de «Mýzart» tobynyń kontserti bastalady. Kirý tegin. Sonymen qatar, 11 qyrkúıek saǵat 19:00-de Arbatta «Almaty mahabbatym» atty teatrlandyrylǵan kontsert ótedi. «Jańa ǵasyr» teatrynyń artısteri retro ánder men poezııa arqyly mıýzıkl janryndaǵy erkin shyǵarmashylyq atmosferaǵa bólemek.
12 qyrkúıekte «Alataý» dástúrli óner teatrynyń aldynda saǵat 18:00-de «Uly dala úni» kontserttik baǵdarlamasy ótedi. Halyq aldynda Ulytau tanymal etno-rok toby óner kórsetedi. Kirý tegin.
12-15 qyrkúıek aralyǵynda Panfılov kóshesindegi Arbatta saǵat 10:00-den 20:00-ge deıin Almaty kitaphanalary «Kitap oqýǵa saıahat» atty kvest ótkizedi. Sonymen qatar, 14-15 qyrkúıekte saǵat 11:00-den bastap Arbatta jyl saıynǵy «Kitap fest» festıvali ótedi. Oǵan qosa, 12 qyrkúıekte saǵat 15:00-de Sh.Aımanov atyndaǵy «Qazaqfılm» ulttyq kınostýdııasynda kınostýdııanyń altyn qoryndaǵy fılmder kórsetiledi.
13 qyrkúıekte saǵat 18:00-de «Alataý» dástúrli óner teatrynyń aldynda «Almaty keshi» atty teatrlandyrylǵan kontsert ótedi, 19:30-da teatr artısteri «Qazaqsha terapııa» tobynyń qatysýymen «Ǵasyrlar úni» teatrlandyrylǵan kontsertin usynady.
14 qyrkúıekte saǵat 18:00-de «Alataý» dástúrli óner teatrynyń aldynda Open Air Jaidarman ótedi. Ashyq aspan astyndaǵy kontsertte qalanyń eń tanymal KTK komandalary óner kórsetip, umytylmas áser, qaǵytpa qaljyń, ádemi ázil usynady. Kirý tegin. Artynsha saǵat 20:00-de «Alataý» dástúrli óner teatrynyń aldynda «Án terbegen Almatym» retro keshi uıymdastyrylady.
14 qyrkúıekte saǵat 16:00-de Astana alańynda LuxFM radıostantsııasynyń festıvali ótip, oǵan Mıras Júginisov, Aıqyn Tólepbergen, Jazzdauren jáne Adam sııaqty tanymal artıster qatysady. Keshtiń basty qonaǵy – Gremmı syılyǵynyń ıegeri, prodıýser DJ Imanbek.
Qala kúni, 15 qyrkúıekte saǵat 10:00-den 21:00-ge deıin Respýblıka saraıynyń aldyndaǵy Abaı alańynda «Almaty – bizdiń ortaq úıimiz» atty aýqymdy otbasylyq festıval ótedi. Osy jerde saǵat 11:30-da «Almaty – arman qala!» estradalyq kontserti ótedi, oǵan Jámılá Serkebaeva, Óktem Altaev, Qarakóz Súleımenova, Jubanysh Jeksenuly, Dıana Ismaılova, Muqasan Shahzada jáne basqa da tanymal artıster qatysady. Balalar men jasóspirimderge, sondaı-aq «TikTok» belsendi qoldanýshylaryna arnalǵan erekshe foto jáne vıdeo alańdary uıymdastyrylady. Festıval aıasynda saǵat 19:00-de YOLO HOUSE, BIP HOUSE jáne basqa da tanymal tıktok juldyzdarynyń qatysýymen kontsert ótedi.
Dástúr boıynsha 15 qyrkúıek kúni Tuńǵysh Prezıdent atyndaǵy saıabaqta saǵat 10:00-de jyl saıynǵy «Alma Fest» festıvali bastalady. Dál osy saıabaqta saǵat 16:30-da «Almaty – súıikti qalam» kontserti ótip, megapolıs turǵyndary men qonaqtary úshin Roza Rymbaeva, Nurǵalı Núsipjanov, Baqtııar Taılaqbaev, Jubanysh Jeksen, Dıana Ismaılova jáne basqa da tanymal artıster óner kórsetedi.
15 qyrkúıek kúni saǵat 11:00-den bastap Arbatta «Týǵan kúnińmen, Almatym» festıvali ótip, qala turǵyndary men qonaqtary sýretshiler kórmesine, qolónershiler jármeńkesine, sheberlik dáristerine jáne basqa da is-sharalarǵa qatysa alady.
15 qyrkúıekte Astana alańynda saǵat 17:00-de estrada juldyzdarynyń qatysýymen Almaty Cover Show ótedi. Sahnada Naǵıma Esqalıeva, Meırambek Bespaev, Kalifarniya, RaiM, Nurlan men Murat, ARO, Erbolat Qudaıbergen, Qaırat Túntekov, Erkin Nurjanov, Aıdar Turǵanbaı jáne t.b. óner kórsetedi.
Sonymen qatar, merekelik is-sharalar qalanyń barlyq aýdandarynda ótedi:
- Áýezov aýdanynda «Almaty - súıikti qala»merekelik kontserti 13 qyrkúıek kúni saǵat 11:00-de Family park demalys saıabaǵynda ótedi;
- Alataý aýdanynda «Almaty - meniń júregimde»merekelik kontserti 14 qyrkúıek kúni saǵat 16:00-de «Alataý» DÓT aldynda ótedi;
- Almaly aýdanynda «Týǵan kúnińmen, Almaty!»13 qyrkúıek kúni saǵat 15:00-de Gandı atyndaǵy saıabaqta ótedi;
- Bostandyq aýdanynda «Týǵan kúnińmen, Almaty!» 13-14 qyrkúıekte saǵat 16:00-de Mega Almaty SOO aýmaǵynda ótedi;
- Jetisý aýdanynda qala kúnin merekeleý 13 qyrkúıek kúni saǵat 18:00-de Qulager sh/a «Gúlder» saıabaǵynda ótedi;
- Naýryzbaı aýdanynda «Almaty - bizdiń ortaq úıimiz» merekelik kontserti 14 qyrkúıek kúni saǵat 12:00-de Shuǵyla sh/a, 347 amfıteatr aýmaǵynda ótedi;
- Túrksib aýdanynda «Almaty - ásem qalam»negizgi aýdandyq kontserti 14 qyrkúıek kúni saǵat 15:00-de №6 oqýshylar úıiniń skverinde kórkemóner ujymdarynyń, QR estrada juldyzdarynyń jáne Live band qatysýymen ótedi;
- Medeý aýdanynda «Týǵan kúnińmen, Almaty!» 14 qyrkúıek kúni saǵat 12:00-de Ortalyq mádenıet jáne demalys saıabaǵynda ótedi;