Almatyda qala kúni toılanyp jatyr

<p>ALMATY. KAZINFORM - Qyrkúıektiń úshinshi jeksenbisi, ıaǵnı búgin almatylyqtar qala kúnin toılap jatyr. Megapolıs merekesine oraı qala turǵyndary men qonaqtary úshin úlken baǵdarlama josparlanǵan.</p>

Foto: Almaty ákimdigi

Arbat aýmaǵynda kúni boıy «Týǵan kúnim, Almatym» festıvali ótedi. Onda almatylyqtar sýretshiler kórmesine, qolónershiler jármeńkesine, sheberlik sabaǵyna jáne basqa da is-sharalarǵa qatysa alady.

Sonymen qatar, munda jyl saıynǵy Kitap Fest festıvali ótip jatyr.

Foto: Almaty ákimdigi

Sondaı-aq Tuńǵysh Prezıdent atyndaǵy saıabaqta jyl saıynǵy «Alma Fest» festıvali bastaldy.

Foto: Almaty ákimdigi

Saıabaqtaǵy basty sahnada saǵat 14:30-dan bastap Roza Rymbaeva men Almaty ákiminiń estradalyq-sımfonııalyq orkestri óner kórsetedi.

Foto: Almaty ákimdigi

Saǵat 17:00-de Astana alańynda qazaqstandyq estrada juldyzdarynyń qatysýymen Almaty Cover Show bastalady.

Foto: Almaty ákimdigi

Sahnada Naǵıma Esqalıeva, Meırambek Besbaev, Kalifarniya, RaiM, Nurlan men Murat, ARO, Erbolat Qudaıbergen, Qaırat Týntekov jáne basqa da ánshiler óner kórsetedi.

Qala kúni keshke «Kóktóbe» telemunarasynda quttyqtaý shamdarynyń qosylýymen qorytyndylanady.

Foto: Almaty ákimdigi

Eske salaıyq, Almatyda qala kúni qarsańynda 130 tonna qoqys jınaldy. 

Foto: Almaty ákimdigi