Almatyda «Jas Camp 2024» jastar lageri ashyldy

<p>ALMATY. KAZINFORM - Qala kúni qarsańynda Almaty jastarynyń basyn qosqan &laquo;Jas Camp 2024&raquo; lageriniń ashylý saltanaty ótti. Bıyl qatysýshylardyń ishinde belsendi jastar, volonterler jáne NEET sanatyndaǵy jastar bar.</p>

Bıyl lager Almaty qalasy Jastar saıasaty basqarmasynyń qoldaýymen «Aqbulaq» taý-shańǵy kýrortynda uıymdastyryldy.

Foto: Almaty qalasy jastar saıasaty basqarmasy

«Jastarymyzdy áleýmettendirý úshin Almaty qalasy Jastar saıasaty basqarmasy túrli jobalardy júzege asyryp jatyr. Mysaly bıyl jastarǵa arnalǵan qala dengeıinde 1000-nan asa ekologııalyq, tegin kýrstar, mádenı jáne sporttyq sharalar ótti. Atap aıtsaq, «IQ-ALA jastary», «Jas GALA», Jas sarapshylar men pikirsaıysshylar klýby, «Táýelsizdik urpaqtary», «ALMA CUP», «Youth Nomad» jáne t.b. Bul jobalardyń barlyǵy jastardy qalanyń mádenı-qoǵamdyq ómirine tartyp, olardyń jeke damýyna yqpal etip jáne bos ýaqytyn tıimdi ótkizýge baǵyttalǵan. Sondaı erekshe jobalardyń biri - «JAS CAMP», - dedi Almaty qalasy Jastar saıasaty basqarmasynyń basshysy Azız Kajdenbek.

Foto: Almaty qalasy jastar saıasaty basqarmasy

Uıymdastyrýshylardyń aıtýynsha, lager 5 kúnge sozylmaq. Búl kúnderi qatysýshylarǵa túrli sheberlik sabaqtary men trenıngter uıymdastyrylady. Spıkerler retinde memlekettik organ qyzmetkerleri, bıznes, bilim berý, jýrnalıstıka jáne sport salasynyń mamandary shaqyrylǵan.

Eske salaıyq, buǵan deıin Almatyda Qala kúninde qaıda barýǵa bolatynyn jazǵanbyz.

Foto: Almaty qalasy jastar saıasaty basqarmasy

Foto: Almaty qalasy jastar saıasaty basqarmasy