Almatyda «Islam rýhanııaty» kórmesi ashyldy
Onda alǵash ret sırek kezdesetin Quran qoljazbalary men basqa da qundy dinı basylymdar usynylǵan, dep habarlaıdy QR Mádenıet jáne aqparat mınıstrliginiń baspasóz qyzmeti.
Kórme tórinen oryn alyp otyrǵan eksponattardy mazmundyq erekshelikterine qaraı Qurandar, tápsirler, muhammadııa jáne muhtasar kitaptar, dinı mazmundy ártúrli lıtografııalyq baspa kitaptar dep birneshe topqa bólýge bolady.
Kórermen nazaryna alǵash ret usynylyp otyrǵan biregeı qundy qoljazba – burama qaǵaz túrinde jasalǵan paıǵambarlar shejiresi (uzyndyǵy – 4 m, 45 sm., eni – 25 sm.). Shejirede Adam Atadan bastap Muhammedti qosa alǵanda 25 paıǵambar áýletiniń, tórt ádil halıfanyń jáne ortaǵasyrdaǵy sopylyq aǵymnyń ustazy Jálaladdın Rýmıdiń shejiresi qamtylǵan.
Sondaı-aq kórmede orama qaǵaz túrinde jasalǵan 1643 jyldary jaryq kórgen erekshe qoljazba Quran nusqasymen (uzyndyǵy – 9 m, 50 sm., eni – 2,5 sm.) tanysýǵa bolady. Quranda 114 súre mátini óte usaq áriptermen bólek-bólek jazylǵan.
Budan basqa shyǵystyń kóne qalalary Ystanbul, Bombeı, Mysyr baspahanalarynda, Reseıdiń Peterbor, Qazan sııaqty iri ortalyqtary men Omby, Orynbor, Tashkent, Samarqand shaharlarynda basylyp shyqqan Quran kitaptar men ártúrli dinı mazmundy basylymdar qundy mura retinde atalmysh kórmeden oryn aldy.
Adam atadan HІH ǵasyrǵa deıingi kezeńderdi qamtıtyn qysqasha tarıhı sholý basylymy, Máshhúr Júsip Kópeev kitaphanasynan kelip túsken «Mýhammadııa» kitaby, Muhamedjan Seralın jazǵan «Qojalar shejiresi» kórmeniń ekspozıtsııalyq mánin asha túspek.
Saltanatty ashylýǵa belgili teolog Halıfa Altaıdyń uly Ábdirahym Altaı, shyǵystanýshy-tarıhshy Ómir Orazuly, Dintaný ortalyǵynyń basshysy Almasbek Shaǵyrbaı jáne dintanýshy Júzeı Amanqululy qatysty.
Kórme 2024 jyldyń 1 shildesine deıin jalǵasady.