Almatyda «Invataksı» qyzmetin paıdalanýshylar sany artty

<p>ALMATY. KAZONFORM &ndash; Almatyda &laquo;Invataksı&raquo; qyzmetin aıyna 2 myńnan astam adam paıdalanady, onyń 800-i erekshe qajettilikteri bar bala. 2023 jylmen salystyrǵanda osy qyzmetti paıdalanatyndar sany 200 adamǵa artqan. Bul týraly Almaty qalasy ákiminiń orynbasary Ásem Núsipova ınklıýzıvti ortany damytý jónindegi keńestiń birinshi otyrysynda málim etti.</p>

Aıtýynsha, 2023 jyldyń qorytyndysy boıynsha ınvataksı qyzmetterin usyný boıynsha pılottyq joba qolǵa alynǵan kezde avtomobılder sany 64-ten 100-ge deıin ulǵaıtyldy. Mundaı shara arnaıy kólikterdiń júktemesin azaıtýǵa múmkindik berdi.

Qala basshysynyń orynbasary Almaty ákimdigi QR Eńbek jáne áleýmettik qorǵaý mınıstrligine agregatorlar bóliginde ınvataksı qyzmetterin usyný qaǵıdalaryna ózgerister engizý týraly bastamashylyq hat joldanǵanyn aıtty.

«Qazir taksı agregatorlarynyń áleýmettik qyzmetter portaly arqyly jiberilgen qyzmetterdi usynýy múmkin emes, osyǵan baılanysty qoldanystaǵy áleýmettik tapsyrystar arqyly qyzmetterdi usynýdy qosymsha pysyqtaýǵa týra keledi», - dep naqtylady Ásem Núsipova.