Almatyda ınklıýzıvti ortany damytý jóninde keńes quryldy
Barlyq sanattaǵy múgedek adamdardyń múddesin qorǵaıtyn Úkimettik emes uıym basshylary, sondaı-aq jergilikti atqarýshy organdardyń basshylary, Almaty aýdandarynyń ákimderi enetin keńestiń quramy qalalyq máslıhattyń kezekten tys ótken XIV sessııasynda bekitildi.
Kandıdattardy irikteý kezinde múgedekterdiń quqyqtaryn qorǵaý jáne múmkindikterin keńeıtý salasyndaǵy qoǵamdyq jumys tájirıbesi, sondaı-aq zań shyǵarý, ǵylymı nemese saraptamalyq jumys tájirıbesi eskerildi.
Keńes tóraǵasy Almaty qalasynyń ákimi Erbolat Dosaev, tóraǵanyń orynbasarlary – ákimniń orynbasary Ásem Núsipova jáne ákimniń shtattan tys keńesshisi Qasıet Omarova. Sondaı-aq keńes quramyna múmkindigi shekteýli jandardyń quqyqtaryn qorǵaý salasyndaǵy belgili qoǵam qaıratkerleri Bogdan Djepka, Tatıana Baklajanskaıa, Maıra Súleeva, Ásııa Ahtanova, Raýana Saǵadıeva jáne basqalary endi.
Jańa keńes jergilikti atqarýshy organdardyń, uıymdardyń, qoǵamdyq birlestikterdiń quqyqtaryn iske asyrý jáne tirshilik úshin teń múmkindikter jasaý máseleleri boıynsha qyzmetti úılestirý jóninde usynystar ázirleıdi. Sonymen qatar, keńeske qatysýshylar qalada ınklıýzıvti ortany qalyptastyrý máselelerimen aınalysatyn bolady.
Qazir Almatyda múmkindigi shekteýli jandardyń ómirin jeńildetýge baǵyttalǵan birqatar shara júzege asyrylýda. Atap aıtqanda, 100 avtokólikte «Invataksı» qyzmetteri usynylady. 2023 jyldyń shildesinen bastap «ıAndeks taksı» taksı agregatory arqyly qyzmetti iske asyrý boıynsha pılottyq joba iske qosyldy, bul muqtajdardy qamtýdy 1,5 myńnan 2 myń adamǵa deıin ulǵaıtýǵa múmkindik berdi.
Budan basqa, Almaty qalasy ákiminiń tapsyrmasy boıynsha «Ten Qogam» múgedektigi bar adamdardy áleýmettik qoldaý ortalyǵy» áleýmettik jobasyn aýqymdy etý boıynsha sharalar qabyldandy. Qala aýdandarynda 8 ortalyq ashyldy, onda 2023 jyly 6 454 adam qyzmet aldy. 2023 jyly Almatyda ınteraktıvti qoljetimdilik kartasyna derekterdi inva.gov.kz. engize otyryp, qalanyń 7,5 myń nysany pasporttaldy.