Almatyda hostelden shyqqan órt kezinde zardap shekkenderge keshendi medıtsınalyq kómek kórsetiledi

<p>Almaty qalasynyń qoǵamdyq densaýlyq saqtaý basqarmasynyń basshysy Iran Shametekov Almatyda hostelden shyqqan órt kezinde zardap shekkenderdiń jaǵdaıy týraly aıtty, dep habarlaıdy<a href="https://kaz.inform.kz/" target="_blank" rel="noopener"> Kazinform.</a></p>

Spıkerdiń sózinshe, Sháripov kóshesinde ornalasqan hosteldegi órt kezinde zardap shekken bes adamǵa dárigerler qoıǵan dıagnozdar boıynsha tolyq kólemde medıtsınalyq kómek kórsetiledi.

«Zardap shekken tórt adamǵa jaralardy alǵashqy hırýrgııalyq emdeý kórsetildi, evakýatsııalaý kezinde bul azamattar deneniń ártúrli bólikterine zaqymdar alǵan edi. Olardy jedel járdem brıgadasy tekserip, aýrýhanaǵa jetkizdi. Sondaı-aq, bir adam ýly gazben ýlaný dıagnozymen toksıkologııa bólimine jatqyzyldy. Onyń jaǵdaıy ortasha aýyr dep baǵalanady. Ol qazir esin jıdy, tolyq em qabyldap jatyr», - dedi Iran Shamatekov.

Aıta keteıik, zardap shekken tórt adam jaralaryn emdegen soń, ambýlatorııalyq emdelýge úılerine jiberildi.

Sháripov kóshesinde bolǵan órttiń saldarynan 13 adam qaza taýyp, 5 adam zardap shekti. Hostelde barlyǵy 72 adam boldy, olardyń arasynda 12 stýdent bar. Turǵyndar arasynda kámeletke tolmaǵandar bolǵan joq.

Osyǵan deıin Tótenshe jaǵdaılar mınıstri Syrym Sháriphanovtyń Almatyda hostelden shyqqan órtti sóndirýge tar jol, tynys alýǵa qıyn orta, qalyń tútin kedergi keltirgenin aıtty.