Almatyda hokkeıden tarıhı Azııa chempıonaty ótedi

<p>ALMATY. KAZINFORM - Halyqaralyq hokkeı federatsııasy (IIHF) aıasynda tarıhta tuńǵysh ret hokkeıden Azııa chempıonaty ótedi.</p>

Ulttyq olımpıadalyq komıtettiń málimetinshe, týrnır 2024 jylǵy 6-9 qarashaǵa josparlanǵan. Chempıonat Almatydaǵy Halyk Arena stadıonynda ótpek.

Qazaqstan quramasynyń qarsylastary Japonııa, Koreıa jáne Qytaı komandalary bolady. Sońǵy ret Halyk Arena-da halyqaralyq hokkeı jarystary 2017 jylǵy Ýnıversıada aıasynda ótken. Ol kezde bizdiń stýdenttik qurama kúmis júldelerdi enshilegen bolatyn.

Eske salsaq, hokkeıden áıelder arasyndaǵy Azııa chempıonaty 2024 jylǵy 31 qazan men 3 qarasha aralyǵynda Qytaı astanasy Beıjińde ótedi. Chempıonatqa Qazaqstan, Japonııa, Koreıa jáne Qytaı elderiniń quramalary da qatysady.

Aıta ketelik, aldaǵy týrnırler 2025 jylǵy 7-14 aqpan aralyǵynda Qytaıdyń Harbın qalasynda ótetin Azııa oıyndaryna daıyndyq jarystary bolyp sanalady.

 Qazaqstandyq «Barys» hokkeı klýbyna bas bapker qyzmetine Vıacheslav Býtsaev taǵaıyndalǵanyn jazǵan bolatynbyz.