Almatyda halyqty baspanamen qamtý kórsetkishi tómendegen

<p>ASTANA. KAZINFORM &ndash; Premer-mınıstrdiń orynbasary &ndash; Ulttyq ekonomıka mınıstri Nurlan Baıbazarov Úkimet otyrysynda qańtar-aqpan aılarynda 2 mln sharshy metr baspana qoldanysqa berilgenin aıtty.</p>

«Qańtar-aqpanda 2 mln sharshy metrden asa turǵyn úı paıdalanýǵa berildi, bul ótken jyldyń sáıkes kezeńinen 3,4% tómen.  Turǵyn úıdi paıdalanýǵa berýdiń aıtarlyqtaı tómendeýi Ulytaý, Mańǵystaý, Atyraý oblystarynda, sondaı-aq Almaty qalasynda baıqaldy. Eń joǵary kórsetkish Jetisý oblysynda jáne Astana qalasynda tirkeldi», - dedi ol.

Vıtse-premer jyldyń alǵashqy eki aıynda taý-ken ónerkásibindegi óndiris kólemi 1,9% artqanyn atap ótti. 

«Bul rette metall kenderin óndirý – 7,2%, gaz óndirý – 1,2%, munaı óndirý – 0,4%, ózge de paıdaly qazbalardy óndirý – 2,9% ósti. Kómir óndirý – 4,1% tómendedi. Qurylysta ósýdiń joǵary qarqyny saqtalýda. Qurylys jumystarynyń kólemi 12,7% ulǵaıdy.18 óńirde oń ósý tirkeldi, ásirese qurylys-montajdaý jumystarynyń eń kóp ósýi Jetisý, Qyzylorda, Jambyl jáne Pavlodar oblystarynda baıqaldy», - dedi Nurlan Baıbazarov.