Almatyda halyq kúıshisi Qyzyrhan Babaqumarulynyń shyǵarmashylyq keshi ótedi

<p>ASTANA. KAZINFORM &ndash; Almaty qalasyndaǵy Jambyl atyndaǵy Qazaq memlekettik fılormonııasynyń kontsert zalynda, kúıshi, kompozıtor, &laquo;Qazaq mádenıetiniń qaıratkeri&raquo;, &laquo;Halyq kúıshisi&raquo; tósbelgisiniń ıegeri Qyzyrhan Babaqumaruly &laquo;Altaıdan Alataýǵa kúı bolyp tógildim!&raquo; atty shyǵarmashylyq keshi 21-qańtar kúni saǵat 18:00-de ótedi.</p>

Atalǵan keshte «Qazaqstannyń eńbek sińirgen qaıratkeri», kúıshi Shámil Ábiltaev, «QR Mádenıet qaıratkeri», kúıshi Murat Ábýǵazy, «QR Mádenıet salasynyń úzdigi», Qurmanǵazy atyndaǵy Qazaq ulttyq konservatorııasynyń dotsenti, kúıshi Qýanysh Jumaǵalı, Qurmanǵazy atyndaǵy respýblıkalyq konkýrstiń laýreati, kúıshi Nurlan Túmenbaev, QR Mádenıet salasynyń úzdigi, ánshi Talǵat Ábýǵazy qatarly kúıshi, ánshiler óner kórsetedi.

Sonymen qatar Qyzyrhan Babaqumarulynyń shyǵarmashylyq keshine N.Tilendıev atyndaǵy «Otyrar sazy» folklorlyq-etnografııalyq orkestri arnaıy qatysady.

Aıta keteıik, kúıshi, kompozıtor, «Halyq kúıshisi» tósbelgisiniń ıegeri, «Qazaq mádenıetiniń qaıratkeri» Qyzyrhan Babaqumaruly 1959 jyly qarasha aıynda QHR-daǵy Altaıdyń Shemirshek aýylynda dúnıege kelgen.

Q. Babaqumaruly «Kúı-kerýen» degen atpen 60-tan astam kúıler toptastyrylǵan eki kúı jınaǵynyń avtory. Óziniń jıyrmadan astam avtorlyq kúıleri men birneshe ánderi bar. QR Ulttyq mýzeı muraǵatyna 50-diń ústinde kúı, «Dombyra» telearnasyna 17 kúı, «Shalqar» radıosynyń altyn qoryna 40-taı kúıdi engizip, qazaq halqynyń rýhanı qazynasyna óz úlesin qosqan.