Almatyda «Halyq qatysatyn bıýdjet» baǵdarlamasyna 6 myńnan astam ótinish tústi

<p>ALMATY. KAZINFORM - Almatyda 25 qyrkúıek kúni &laquo;Halyq qatysatyn bıýdjet&raquo; baǵdarlamasy boıynsha ótinimder qabyldaý aıaqtaldy. Ótinimderdi qabyldaý 9 qyrkúıekte ashylǵan bolatyn.</p>

Barlyǵy budget.open-almaty.kz saıtyna megapolıs turǵyndarynan 6118 joba kelip tústi. Usynystardyń sany boıynsha Naýryzbaı aýdany kósh bastady. Turǵyndar 1370 jobany qaraýǵa joldady. Ekinshi orynda Jetisý aýdany – 1199 ótinim berilgen.

Almatylyqtar ótinish bergen negizgi baǵyt: qoǵamdyq oryndarda oryndyqtardy, qoqys jáshikterin ornatý, balalardyń oınaýy men eresekterdiń demalýyna arnalǵan oryndardy jabdyqtaý jáne jóndeý boldy.

Baǵdarlamanyń kelesi kezeńi – Almaty qalasynyń ár aýdan ákimdigi janynan qurylǵan saraptamalyq keńesterdiń ótinishterdi qaraýy. 8 qazanǵa deıin árbir usynys komıssııada qaralady.

Qandaı jobalar qaraýǵa qabyldanbaıdy?

- qurylys-montajdaý jumystaryn júrgizbeı, tek JSQ (jobalyq-smetalyq qujattamany) ázirleýge arnalǵan;
- fragmenttelgen (bolashaqta qosymsha elementterdi engizýdi talap etetin);
- Almaty qalasyn damytý baǵdarlamasyna jáne Qazaqstan Respýblıkasynyń zańnamasyna sáıkes kelmeıtin;
- kommertsııalyq sıpattaǵy jáne t.b..

Qaraýdan keıin árbir ótinim úsh mártebeniń birin alady: «Daýys berýge jiberildi», «Pysyqtaý úshin qaıtaryldy» nemese «Qabyldanbady». «Halyq qatysatyn bıýdjettiń» barlyq erejelerine sáıkes rásimdelgen ótinimder maquldanady jáne daýys berý kezeńine jiberiledi.

Pysyqtaý úshin qaıtarylǵan usynystardyń avtorlary osy jyldyń 9-14 qazan aralyǵynda óz jobalaryn túzetip, ótinimderdi qaıta qaraýǵa jiberý múmkindigine ıe bolady. Daýys berýge jiberilgen jobalar budget.open-almaty.kz ınternet-portalynda jarııalanady.

Eske salaıyq, buǵan deıin bir apta ishinde baǵdarlamaǵa turǵyndardan 248 ótinish kelip túskenin jazǵanbyz.