Halyq qaharmany Sát Toqpaqbaev tańdaýyn jasady

<p>ALMATY. KAZINFORM — Almatydaǵy № 112 referendým ýchaskesinde Halyq qaharmany, general-polkovnık Sát Toqpaqbaev daýys berdi.</p>

— Men úshin búgin qýanyshty kún. Óz quqyǵymdy paıdalanyp, el men Otanǵa sheksiz qyzmetimdi bildirip daýys berdim. Aldaǵy ýaqytta qazirgideı elimizde qýanysh, jaqsylyq, halyqta aýyzbirshilik bolady dep senemin. Sebebi biz osyndaı referendýmda pikirimizdi bildirip otyrmyz. Bul elimizdegi demokratııany kórsetedi. Otanymyzda osyndaı quqyq bar ekenine qýanyshtymyz, — dedi Sát Toqpaqbaev.

Foto: Dosbol Atajan/Kazinform

Aıta ketken jón, general-polkovnık Sát Toqpaqbaev ár jyldary Ulttyq qaýipsizdik komıtetiniń tóraǵasy, QR Prezıdenti Kúzet qyzmetiniń bastyǵy, Respýblıkalyq gvardııanyń qolbasshysy, Qorǵanys mınıstri, Tuńǵysh Prezıdenttiń keńesshisi jáne Parlament depýtaty qyzmetterin abyroımen atqardy.

Eske salaıyq, buǵan deıin memleket qaıratkeri Sát Toqpaqbaevqa «Halyq qaharmany» ataǵy berilgenin jazǵanbyz. 

Sát Toqpaqbaev bıyl 85 jasqa toldy.