Almatyda geolog-ǵalymdar Qanysh Sátbaevtyń 125 jyldyǵyn atap ótti
Qanysh Sátbaev — taý-ken geologııasy salasyndaǵy kórnekti ǵalym, Qazaqstanda ǵylymnyń qalyptasýyna eleýli úles qosqan kórekti tulǵa. Onyń negizgi eńbekteri taý-ken geologııasy jáne Qazaqstannyń mıneraldy resýrstary ken oryndaryn barlaý boıynsha zertteýlerge arnalǵan. Ǵalymnyń ǵylymı murasynyń qataryna Jezqazǵan mys kenderi ken orny týraly eńbekter jatady. Munda jaqyn arada jańa geologııalyq klaster iske qosylady.
Jaqynda 90 jyldyq mereıtoıyn atap ótken Sátbaev atyndaǵy QazUTÝ uly akademıktiń týǵan kúninde Halyqaralyq ǵylymı-tehnıkalyq konferentsııa ótkizdi.
Konferentsııada «Qazaqmys» korporatsııasynyń basqarma tóraǵasy Nurahmet Nurıev quttyqtaý sóz sóılep, ınstıtýt qyzmetkerlerin mereıtoıymen quttyqtap, qazaqtyń uly geology Qanysh Sátbaevty eske alý úshin korporatsııa Jezqazǵan jáne Sátbaev qalalaryndaǵy birqatar nysandy qaıta jańǵyrtýdy josparlap otyrǵanyn atap ótti.
Qazaqstanda osy salada geologııalyq barlaý men ozyq tehnologııalardy damytýda ǵylym mańyzdy ról atqarady. Geolog-ǵalymdar men óndiristiń tyǵyz yntymaqtastyǵy jańa ázirlemelerdi tájirıbede paıdalanýǵa múmkindik berdi.
«Tájirıbelerimizde qazaqstandyq ǵalymdar ázirlegen tehnologııa boıynsha selendi tazartý jáne asyl metall qojyn qaıta óńdeý tsehyn búkil Qazaqstanǵa kórsete aldyq. Tseh byltyr Balqashta paıdalanýǵa berildi», - dedi Nurahmet Nurıev.
Sonymen qatar bıyl Jezqazǵanda Ortalyq Azııada teńdesi joq jańa biregeı geologııalyq klaster ashylyp jatyr. Oǵan akademık Qanysh Sátbaevtyń esimin berý usynyldy.
Konferentsııa aıasynda geologııa salasy ókilderi, «Qazaqmys» basqarma tóraǵasy Nurahmet Nurıev, Satbayev University rektory Meıram Begentaev, Geologııa komıtetiniń tóraǵasy Erlan Aqbarov jáne basqalar kezdesý ótkizdi.
Nurıev erikti áriptestik túrindegi birlesip iske asyrylǵan jobalar belgili bir máselelerdi ońtaıly sheshý bolyp sanalatynyn atap ótti. Mundaı yntymaqtastyqtyń bir mysalyna, Nurıevtiń aıtýynsha, ondaǵan jyl boıy Jezqazǵan qalasynda kásiporyndy jańartý da jatady.
Zaýyt ınvestıtsııalardy qajet etedi, oǵan ǵalymdar qatyspasa, ysyrap bolýy múmkin, dep atap ótti ol. Sondaı-aq ǵylym óndiriske basqa máselelerde de kómektesedi.
«Kenderdi alý kezindegi qospalarmen kúres — óz aldyna bir baǵyt. Budan basqa, sýdy utymdy basqarýmen topyraqty qalpyna keltirýge qatysty kóptegen másele týyndady. Biz eńbektenetin aımaqtarda bul mańyzdy másele, onyń sheshimine ǵylymı kózqaras qajet. Sondyqtan biz yntymaqtastyqqa múddelimiz», - dedi «Qazaqmys» korporatsııasynyń basqarma tóraǵasy.
Sonymen qatar Satbayev University rektory Meıram Begentaev ǵalymdar óndiriste týyndaýy múmkin problemalardy aldyn ala boljaýy, sondaı-aq zaýyt iske qosylmas buryn gıdrogeologııalyq zertteýler júrgizýi qajet ekenin atap ótti.
Bul óndiristiń yqtımal qıyndyqtaryn keshendi túrde sheshe otyryp qana qoımaı, akademık qurǵan «Sátbaev mektebin» jandandyrýǵa múmkindik beredi, dep habarlady rektor.