Almatyda gazben júretin qoǵamdyq kólikterdiń úlesi 53%-ǵa jetti

<p>Almatynyń kommýnaldyq avtoparkine gazben júretin 500 jańa avtobýs keldi, dep habarlaıdy <a href="https://kaz.inform.kz/" target="_blank" rel="noopener">Kazinform</a>.</p>

Qalalyq ákimdiktiń málimetinshe, jazda jolǵa 100 gazben júretin jańa avtobýs shyqty. Qazir taǵy 500 avtobýs rásimdeldi.

«Olar jolaýshylar eń kóp júretin marshrýttarǵa shyǵady. Mysaly, 2024 jyldyń qańtarynda №63, №28, №14, №92, №120, №120A, №79, №50 jáne taǵy basqa baǵyttardy kúsheıtý josparda»,- dep habarlady ákimdikten.

Buǵan qosa, trolleıbýs parkine 100 trolleıbýs satyp alyndy, qazir olar jolaýshylardy tasymaldap júr.

«Sondaı-aq jeke tasymaldaýshylar turaqty negizde jańa kólikterdi satyp alýda, bıyl 550 avtobýsqa arnalǵan jyljymaly quram jańartyldy. Osylaısha, 2023 jyldyń sońyna qaraı qoǵamdyq kóliktiń ekologııalyq otyn túrindegi úlesi 53%-ǵa jetti»,- delingen habarlamada.