Almatyda gaz qubyrlary qysqa qanshalyqty daıyn

<p>Almatyda turǵyndardy gazben qamtýǵa kúzgi, qysqy maýsymǵa daıyndyq jumystary 100% aıaqtaldy. Bul týraly óńirlik kommýnıkatsııalar qyzmetinde ótken brıfınginde &laquo;QazTransGaz Aımaq&raquo; AQ Almaty óndiristik fılıaly dırektorynyń birinshi orynbasary Talǵat Burambaev aıtty, dep habarlaıdy <a href="https://kaz.inform.kz/" target="_blank" rel="noopener">QazAqparat</a> tilshisi.</p>

«2023-2024 jyldary kúzgi, qysqy maýsymnan qysylmaı ótip, tutynýshylardy sapaly gazben qamtý etý úshin 10 jóndeý, 7 apattyq brıgada jumyldyryldy. Jóndeý brıgadalary qajetti materıaldarmen, qurylǵy, qural-jabdyq, arnaıy kıimmen jáne tehnıkamen tolyq jabdyqtaldy», - dedi Talǵat Burambaev.

Onyń aıtýynsha, «QazTransGaz Aımaq» AQ búgingi tańda 5 myńnan astam shaqyrym gaz qubyryn paıdalanady.

Onyń ishinde Almaty qalasy boıynsha – 4 shaqyrym qubyr qanaǵattanarlyq jaǵdaıda, jeliler 36%-ǵa tozǵan.

Brıfıng barysynda «QazTransGazAımaq» AQ Almaty óndiristik fılıalynyń óndiristik-tehnıkalyq bóliminiń bastyǵy Dildábek Kúltemirov tabıǵı gaz ben kómirtegi totyǵy aqqan jaǵdaıda, gaz berýdi toqtatatyn gaz dabyldaryn ornatýdy usyndy.

«QazTransGazAımaq» AQ Almaty óndiristik fılıaly óndiristik-tehnıkalyq bólimi basshysynyń orynbasary Ǵalym Beken tabıǵı gazdy paıdalanýda qaýipsizdik erejelerin saqtaý qajettigin eskertti.

«Pesh paıdalanýǵa óz is-áreketin baqylamaıtyn jáne pesh jaǵý erejelerin bilmeıtin balalar men adamdardy jiberýge tyıym salynady. Gazdy qyzdyratyn qurylǵyǵa óz betinshe qandaı da bir ózgerister engizýge, jylytý úshin gaz aspaptaryn paıdalanýǵa, terezeler jabyq kezde peshterdi paıdalanýǵa, gaz aspaptary ornatylǵan úı-jaıda uıyqtaýǵa, demalýǵa bolmaıdy. Gazdyń aǵyp ketýine kúdik týyndaǵan jaǵdaıda gaz qyzmetiniń «104» nómirine qońyraý shalý qajet, sondaı-aq, páterde gazdyń ıisi bolǵan kezde barlyq gaz krandaryn dereý jaýyp, úı-jaıdy tekserip, ashyq otty paıdalanbaý, elektr quraldaryn qospaý qajet», - dedi Ǵalym Beken.