Almatyda Eýrazııalyq úkimetaralyq keńes músheleriniń plenarlyq otyrysy bastaldy

<p>ALMATY. KAZINFORM &ndash; Almatyda Eýrazııalyq ekonomıkalyq odaqqa (EAEO) múshe elderdiń úkimet basshylarynyń qatysýymen halyqaralyq forýmnyń plenarlyq sessııasy bastaldy.&nbsp;Plenarlyq otyrysqa deıin Úkimet basshylary halyqaralyq forýmnyń tsıfrlyq kórmesimen tanysty.&nbsp;</p>

Kórmede 300-den astam otandyq jáne halyqaralyq kompanııanyń, sondaı-aq tsıfrlandyrý boıynsha jetekshi halyqaralyq sarapshylardyń tsıfrlyq jobalary usynylǵan.

Otyrysqa Eýrazııalyq ekonomıkalyq odaq elderi úkimetteriniń basshylary – Eýrazııalyq úkimetaralyq keńestiń músheleri Armenııa Respýblıkasynyń Premer-mınıstri Nıkol Pashınıan, Belarýs Respýblıkasynyń Premer-mınıstri Roman Golovchenko, Qazaqstan Respýblıkasynyń Premer-mınıstri Álıhan Smaıylov, Qyrǵyzstan mınıstrler kabıneti tóraǵasynyń birinshi orynbasary Adylbek Qasymalıev, Reseı Federatsııasy Úkimetiniń tóraǵasy Mıhaıl Mıshýstın, Ózbekstannyń úkimet basshysy Abdýlla Arıpov, sondaı-aq Eýrazııalyq ekonomıkalyq komıssııa alqasynyń tóraǵasy Baqytjan Saǵyntaev qatysyp jatyr.

Olar búgin Eýrazııalyq úkimetaralyq keńes EAEO elderindegi makroekonomıkalyq ahýaldy jáne ornyqty ekonomıkalyq damýdy qamtamasyz etý jónindegi usynystardy qaraıtyn bolady. 

Budan bólek, EAEO-ǵa múshe memleketterdiń «Eýrazııalyq agroekspress» aýyl sharýashylyǵy ónimderi men azyq-túlikti jedeldetilgen temir jol jáne mýltımodaldy tasymaldaýdy júzege asyrý jónindegi birlesken jobasyn iske asyrý barysyn, Eýrazııalyq ekonomıkalyq odaq memleketteriniń kólik salasyndaǵy basym ıntegratsııalyq ınfraqurylymdyq jobalar tizbesine ózgertýler engizýdi talqylamaq.