Almatyda eski mekteptiń ornyna turǵyn úı kesheni salyna ma

<p>ALMATY. KAZINFORM &ndash; &laquo;Taýgúl&raquo; shaǵyn aýdanyndaǵy eski № 72 mekteptiń ornyna 1 200 oryndyq jańa mektep salynady. Osy maqsatta atalǵan aýmaqta ornalasqan 40 jeke úı buzylady.&nbsp;</p>

Áýezov aýdanynyń turǵyny qala basshysynan №72 mekteptiń ornyna jańa turǵyn úı keshenderi salynatyny qanshalyqty ras ekenin surady. 

«Bul mektep óte eski, balalar oqýshyǵa toly synyptarda sapaly bilim ala almaıdy. Sondyqtan biz eski ǵımaratty buzyp, jobalyq qýatyn 380-nen 1 200 orynǵa deıin arttyryp, jańa zamanaýı mektep salýdy josparlap otyrmyz. Ol úshin bizge qosymsha jer qajet. Qalada halyq sany ósýde, jańa áleýmettik nysandar qajet. Búgingi tańda táýelsiz baǵalaýshy jyljymaıtyn múliktiń 40 ıesine tekserý júrgizdi. Munda eshqandaı turǵyn úı nemese kommertsııalyq nysandar salynbaıdy», - dep jaýap berdi qala basshysy Erbolat Dosaev. 

№72 jalpy bilim beretin mektep Taýgúl shaǵyn aýdanynda ornalasqan. Mektep 380 oqýshyǵa arnalǵan. Biraq mektepte qazir 494 bala bilim alyp jatyr. 

«Asyl Tas» TK qurylysy men eski turǵyn úıdi jańartý baǵdarlamasynyń 8 kezegin iske asyrǵannan keıin 2 myńǵa jýyq oqýshy orny tapshy bolady dep kútilip otyr. Qazir jobalaý-smetalyq qujattary ázirlenýde. Qurylys-montaj jumystary 2025 jyldyń II toqsanynda bastalyp, 2026 jyldyń I toqsanynada aıaqtalady.