Almatyda eski kópirdiń ornyna jańasy salyndy

<p>Medeý aýdanynda uzyndyǵy 21 m kópir salyndy. Ol 90-jyldary turǵyndardyń ózderi salǵan eski aǵash qurylymnyń ornyna turǵyzyldy, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Baıqońyr kóshesiniń turǵyndary ákimdikten aıaldama keshenine aparatyn jańa kópir salýdy suraǵan edi. Eski kópir apatty jaǵdaıda bolyp, turǵyndardyń ómirine qaýip tóndirdi.

Atalmysh jumys «Halyq qatysatyn bıýdjet» baǵdarlamasy aıasynda júzege asty. Eki aıda berik qorshaýy bar jańa temir kópir salyndy.

Foto: Almaty_akimdigi/Telegram

Joba aıasynda irgeles aýmaq abattandyryldy: aıaldamaǵa aparatyn trotýar jabdyqtaldy, kóshe jaryǵy men shaǵyn sáýlet nysandary ornatyldy. 

Aıta keteıik, bul «Halyq qatysatyn bıýdjet» jobasy byltyr Qazaqstannyń eki óńirinde bastaldy. Buǵan deıin Kazinform agenttigi baǵdarlamany Almatyda iske asyrý sharttary týraly jazǵan bolatyn.