Almatyda erli-zaıypty qart kisilerdi 56 jastaǵy tanysy óltirip ketken

<p>ALMATY. KAZINFORM - Almatyda jer úılerdiń birinen egde jastaǵy erli-zaıyptylardyń máıiti tabyldy. Jelidegi málimetke sáıkes, er adam 87 jasta, al áıel 89 jasta bolǵan.</p>

Almaty qalasynyń Polıtsııa departmenti kisi óltirdi degen kúdik boıynsha 56 jastaǵy áıel ustalǵanyn habarlady. Polıtsııa málimetinshe, ol qart kisilerdiń tanysy bolǵan.

- Túrksib aýdandyq polıtsııa asqarmasy kisi óltirý deregi boıynsha qylmystyq is qozǵady. Kúdikti ustalyp, qamaýǵa alyndy. Aldyn ala málimet boıynsha, 56 jastaǵy áıel janjal kezinde óziniń tanystaryn óltirgen. Oqıǵanyń basqa da mán-jaılary anyqtalyp jatyr, - dep habarlady qalalyq PD baspasóz qyzmeti.

Eske salaıyq, buǵan deıin Almatyda kólikke oq atqandar izdestirilip jatqanyn jazǵanbyz.