Almatyda erekshe qajettilikteri bar balalar úshin arnaıy 8 qyzmet qurylady

<p>ALMATY. KAZINFORM - Almatyda erekshe bilim berý qajettiligi bar balalarǵa kómek kórsetý úshin 8 erte aralasý qyzmeti paıda bolady. Bul týraly Almatynyń ınklıýzıvti ortany damytý jónindegi keńesiniń I-shi otyrysynda qala ákiminiń orynbasary Ásem Núsipova aıtty.</p>

«Erte jastaǵy balalar men olardyń otbasylaryna kómek kórsetý jáne qoldaý maqsatynda shahar basshysy Erbolat Dosaevtyń tapsyrmasy boıynsha qalanyń 8 aýdanynda mektepke deıingi uıymdar bazasynda erte aralasý qyzmetterin ashý josparlanýda. Bul qyzmettiń quramyna 56 maman kiredi: transdıstsıplınarlyq maman, damý pedıatry, psıholog, arnaıy pedagog, sensorlyq ıntegratsııa jónindegi maman, logoped, kásibı terapevt», — dedi qala ákiminiń orynbasary Ásem Núsipova.

Foto: Almaty ákimdigi

Erte aralasý ortalyǵy vedomstvoaralyq ózara is-qımyl organyna aınalady. Sol arqyly tıisti qyzmetterdiń qyzmetin qarjylandyrýdy júzege asyrý josparlanady. 

Onyń negizgi mindeti — táýekel tobyndaǵy jáne múgedektigi bar balalardyń biryńǵaı derekqoryn qurý, sondaı-aq qajetti qyzmetterdi alýdyń qadamdyq protsesin jolǵa qoıýǵa septigin tıgizedi.