Almatyda er adamnyń áıeldi urǵan sáti vıdeoǵa túsip qalyp, polıtsııa is qozǵady

<p>ALMATY. KAZINFORM &mdash; Áleýmettik jelide áıeldi judyryqtaǵan er adamnyń vıdeosy tarady.</p>

Beınejazbadan er adamnyń kópqabatty turǵyn úıdiń kireberisinde áıeldi teýip, artynsha betinen urǵanyn kórýge bolady.

Jeli qoldanýshylar túrli pikir jazyp qaldyryp jatyr.

Almaty qalasy Polıtsııa departamentiniń baspasóz qyzmeti osy jaǵdaıǵa qatysty buzaqylyq deregi boıynsha qylmystyq is qozǵalǵanyn málimdedi.

«Beınejazbadaǵy adamdardyń kim ekeni jáne oqıǵanyń mán-jaıy anyqtalyp jatyr. Kináli adam mindetti túrde jaýapqa tartylady», - dep habarlady vedomstvodan.

Buǵan deıin Almatyda burynǵy áıelin aıaýsyz uryp-soqqan er adamnyń qamaýǵa alǵany týraly jazǵan bolatynbyz.