Almatyda Eńbek ortalyǵyna 69 myń jumyssyz júgingen
Almaty qalasy Jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasov 2024 jylǵy jumys nátıjelerimen bólisti.
Onyń aıtýynsha, ótken jyly 286 myńnan astam memlekettik qyzmet kórsetilgen, onyń 54%-y «E-gov» portaly arqyly usynyldy. Áleýmettik mindettemelerdi oryndaýǵa 5 mlrd teńge bólinse, 2025 jyly qarjylandyrý 30%-ǵa, 7,1 mlrd teńgege deıin ulǵaıtyldy.
— Halyqty jumyspen qamtýǵa keletin bolsaq, 2024 jyly 84,7 myń jumys orny quryldy. Byltyr Eńbek utqyrlyǵy ortalyǵyna jumys izdep júrgen 69 myń turǵyn júgindi, onyń 50 myńy jumyssyz mártebesin aldy. Jumyspen qamtýdyń belsendi sharalary aıasynda jyl ishinde 56 myń adam qatysty, bul rette 25,6 myńnan astam adam turaqty nemese sýbsıdııalanatyn jumys oryndaryna ornalastyryldy, — dedi Baýyrjan Jaýbasov.
Jalpy Almatyda jumyssyzdyq deńgeıi 4,8%-dan 4,6%-ǵa deıin tómendedi.
Eske salaıyq, buǵan deıin halyqty jumyspen qamtıtyn mekeme basshylary para aldy degen kúdikke ilingenin jazǵanbyz.