Almatyda elektr qýatynyń baǵasy nelikten kúrt ósti
Áleýmettik jeli qoldanýshylarynyń biri shilde aıynda elektr qýaty úshin 6 myń, al tamyz aıynda 16 myń tólegenin aıtty.
Beınejazbaǵa pikir bildirgen almatylyqtar mundaı ózderinde de bolǵanyn jazdy.
– Tamyz aıynyń kvıtantsııasy 13 800 teńge boldy. Alaıda biz úıde múldem bolmaımyz, tek keshke kelip, keshki astan keıin uıyqtaımyz, - dep pikir bildirdi ol.
«AlmatyEnergoSbyt» kompanııasy elektr qýatynyń tólemi kúrt ósýine 3 sebep bar ekenin habarlady.
– Elektr energııasy tólemderiniń joǵary somalarynyń 3 tıptik sebebi bar: kúnniń erekshe ystyq bolýynan kondıtsıonerlerdi qoldaný kóbeıdi. Sondaı-aq tutynýdyń kúrt ósýi, sonyń ishinde kúnniń qysqarýyna baılanysty. Úshinshiden, balalar jazǵy demalysta boldy, - dep habarlady mekeme.
Eske salaıyq, Almatyda bıyl 1 naýryzdan bastap elektr energııasynyń tarıfteri ózgerdi.
Ortasha jetkizý tarıfi qosylǵan qun salyǵynsyz (QQS) 1 kVt saǵatqa elektr energııasynyń quny – 28 teńge.
Al, tutynýshylar sanattary boıynsha tarıfter tómendegideı ózgerdi:
– azamattar úshin QQS-syz 10%-ǵa 25,55 teńge/kVtsaǵ deıin ósti;
– zańdy tulǵalar úshin QQS-syz 11%-ǵa 29,73 teńge/kVtsaǵ deıin ósti;
– bıýdjettik uıymdar úshin – QQS-syz 10%-ǵa 32,73 teńge/kVtsaǵ deıin tómendedi.
– ÁMAT (áleýmettik mańyzy bar azyq-túlik taýarlary) óndirýshileri úshin QQS-syz 28 teńge/kVtsaǵ.