Almatyda «EkoReındjerler» qozǵalysy quryldy

<p>ALMATY. KAZINFORM &ndash; Almatyda &laquo;Taza Qazaqstan&raquo; aktsııasy aıasynda &laquo;EkoReındjerler&raquo; qozǵalysy quryldy. Oǵan 1 000-nan astam jas qosyldy.&nbsp;</p>

Almaty ákimdiginiń málimetinshe, bul bastama jastardyń ekologııalyq ómirge belsendi qatysyp, qalanyń tazalyǵyna úles qosýǵa baǵyttalǵan.

«EkoReındjerler» toby ekologııalyq aktsııalarda, senbilikterde jáne aǵash otyrǵyzý sharalarynda belsendi qatysýdy josparlap otyr. Olardyń basty maqsaty – Almatynyń tabıǵatyn qorǵaý jáne qorshaǵan ortaǵa qamqorlyq kórsetý.

Sonymen qatar «EkoReındjerler» jastarǵa ekologııa jóninde bilim berý, tabıǵatty qorǵaý, jastar arasynda ekologııalyq mádenıetti damytýǵa baǵyttalǵan semınarlar men trenıngter ótkizýge nıetti.

Aıta keteıik, Almatyda «Taza Qazaqstan» respýblıkalyq baǵdarlamasy men «Almaty – bizdiń ortaq úıimiz» qalalyq naýqany aıasynda 18-24 qazan aralyǵynda halyq arasynda ekologııalyq mádenıetti qalyptastyrýǵa, qalany kóriktendirý men kógaldandyrýǵa baǵyttalǵan «Jarqyn kúz» aktsııasy ótip jatyr.

Osyǵan deıin Almatyda kúzgi aǵash otyrǵyzý naýqany bastalǵany týraly jazǵan edik. Onyń aıasynda 282 myń kóshet otyrǵyzylady.