Almatyda ekologııalyq normalardy buzǵan júrgizýshilerge 437 mln aıyppul salyndy

<p>ALMATY. KAZINFORM &mdash; Almatydaǵy tabıǵatty qorǵaý beketterinde 25 myńnan astam ekologııalyq normalardyń buzylýy anyqtaldy.</p>

Almaty polıtsııasynyń málimetine sáıkes, qalada 19 tabıǵatty qorǵaý beketi bar. 

Olar qalanyń jan-jaǵynda ornalastyrylǵan. Jyl basynan beri tabıǵatty qorǵaý beketterinde 25 myń 154 quqyq buzýshylyq anyqtalǵan.

Foto: Almaty polıtsııasy

— Shyǵaryndylardaǵy lastaýshy zattardyń mólsheri boıynsha normatıvterden asatyn avtokólikterdi jáne basqa da jyljymaly kólik quraldaryn paıdalanǵany úshin (QR ÁQbK-niń 334-babynyń 1-bóligi boıynsha) 25 myń 154 ákimshilik hattamalar toltyryldy. Aıyppuldyń jalpy somasy — 437 mıllıon 406 myń 400 teńge, — dep habarlady qalalyq PD baspasóz qyzmeti.

Foto: Almaty polıtsııasy

Eske salaıyq, buǵan deıin elektromobılge arnaıy belgi taǵylmasa qansha aıyppul salynatynyn jazǵanbyz. 

Sondaı-aq qysqy maýsymda jazǵy dońǵalaqpen júrgen júrgizýshige qansha aıyppul salynatynyn jazǵan edik.