Almatyda eko-tıyndarǵa paıdaly zattardy aıyrbastaýǵa bolady

<p>ALMATY. KAZINFORM &ndash; Almatyda &laquo;Taza Qazaqstan&raquo; baǵdarlamasy aıasynda jańa eko-aktsııa bastaldy. Qala turǵyndary dámhanalarǵa óz termasymen baryp, eko-tıyn ala alady. Al qaıta óńdelgen materıaldardan jasalǵan aqshany megapolıstegi eko-habta paıdaly zattarǵa aıyrbastaý múmkindigi bar.</p>

Eco Network jobasynyń negizin salýshy Evgenıı Muhamedjanovtyń aıtýynsha, Almatyda jylyna mıllıondaǵan bir rettik ydystar qoldanylyp, qoqysqa tastalady. Sondyqtan ol qaladaǵy qoqys sanyn azaıtý úshin adamdarǵa óz ydysyn qoldanýdy usynady. 

Foto: Dosbol Atajan/Kazinform

«Álemniń barlyq úlken qalalarynda, onyń ishinde Almatyda da adamdar kofe, shaı syndy sýsyndardy bir rettik ydystarmen alýǵa úırengen. Onyń saldarynan qoqys sany kóbeıe beredi. Bul máseleni sheshý úshin biz eko-oıyn bastadyq. Adamdar «Gorelnık» termaldy bulaǵynyń janyndaǵy meıramhanaǵa kelip, óz ydystarymen sýsyn alatyn bolsa, olarǵa eko-tıyn beriledi. Bul tıyndardy keıin qaladaǵy eko-habta tyńaıtqysh syndy paıdaly zattarǵa aıyrbastaýǵa bolady. Tıyndar eko-habta plastıkten ózimiz óndiremiz. Biz qazir kınoteatrlarmen jáne aıaq kıim jóndeıtin sheberhanalarmen sóılesip jatyrmyz. Olar da bolashaqta osy aktsııaǵa qosylýy múmkin», - dedi ol.

Eske salaıyq, Almatyda mamyr aıynda alǵashqy eko-hab ashylǵan bolatyn. 

Foto: Dosbol Atajan/Kazinform

Sondaı-aq Almatydaǵy «Gorelnık» termaldy bulaǵynyń tazalyǵyna kim jaýapty ekenin jazǵanbyz. 

Foto: Dosbol Atajan/Kazinform