Almatylyq ardagerdiń Sankt-Peterborǵa baryp-kelýine qarajat bólinedi

<p>ALMATY. KAZINFORM - Almaty qalasy máslıhatynyń kezekti XV sessııasynda &laquo;Lenıngrad qalasynyń kásiporyndarynda, mekemeleri men uıymdarynda blokada kezeńinde jumys istegen jáne &laquo;Lenıngradty qorǵaǵany úshin&raquo; medalimen nemese &laquo;Lenıngrad blokadasynyń turǵyny&raquo; tósbelgisimen nagradtalǵan Almaty qalasynda turatyn azamattarǵa Sankt-Peterborǵa qalasyna jol júrý shyǵyndaryn óteýge áleýmettik kómek týraly sheshimge ózgerister qabyldandy.</p>

Almaty qalalyq jumyspen qamtý jáne áleýmettik baǵdarlamalar basqarmasynyń basshysy Baýyrjan Jaýbasovtyń aıtýynsha, Almatyda osy talaptarǵa saı keletin bir ǵana ardager turady. Al ózgerister memlekettik basqarý júıesin ortalyqsyzdandyrýmen jáne áleýmettik kómek kórsetý jónindegi fýnktsııalardy Almaty qalasy aýdandarynyń ákimdikterine berýmen baılanysty.

«Ekinshi dúnıejúzilik soǵysy ardagerleriniń Sankt-Peterbýrg qalasyna barýyn qamtamasyz etý boıynsha áleýmettik kómek kórsetý tártibin aıqyndaıtyn máslıhat sheshimine naqtylaý engizý qajet. Tıisti ózgeris tólemder ekinshi deńgeıdegi bankter ári aýdan ákimdikteri arqyly ardagerdiń shotyna tikeleı júrgiziletinin qarastyrady. Búginde bul – Áýezov aýdany. Jalpy, qosymsha qarjy qajet emes, biz ortalyqsyzdandyrý sharalaryna sáıkes keltiremiz», - dep atap ótti basqarma basshysy.

Ol sondaı-aq Almatyda jyl saıyn Sankt-Peterbýrgke baryp, týystarymen kezdesip, tarıhı oryndarǵa baratyn bir ǵana ardager bar ekenin aıtty. Ol qalanyń Áýezov aýdanynda turady.

«Bul sapar úshin oǵan shamamen 300 myń teńge tolyq kólemde tólenedi. Ol úshin qarajat qarastyrylǵan», - dedi Baýyrjan Jaýbasov.