Almatyda eki jasóspirimniń ólimi: ózin-ózi óltirýge ıtermeleý deregi tekserilip jatyr

<p>ASTANA. KAZINFORM &ndash;&nbsp; Almatyda eki jasóspirim qyzdyń kópqabatty úıden qulaýy oqıǵasynda ózin-ózi óltirýge ıtermeleý isi tergelip jatyr.</p>

Bul týraly Іshki ister mınıstriniń orynbasary Igor Lepeha aıtty.

«Bul is sýıtsıd deregi boıynsha tergelip jatyr. Atap aıtqanda, ózin-ózi óltirýge ıtermeleý boıynsha qylmystyq is qozǵalǵan», - dedi Igor Lepeha Senattyń jalpy otyrysynan keıin tilshiler suraǵyna jaýap bere otyryp.

Budan buryn habarlanǵandaı, osy aptanyń basynda Almatyda eki jasóspirim qyz kópqabatty úıden qulap, oqıǵa ornynda qaıtys boldy. 

Qalalyq Polıtsııa departamentinde bul jaǵdaı boıynsha qylmystyq is qozǵalǵanyn habarlady.

Almatyda eki jasóspirim qyzdyń ómirin qıǵan jantúrshigerlik oqıǵadan keıin ákimdik kópqabatty úılerdiń shatyry men shardaǵyna kirýge shekteý qoıý jóninde sheshim qabyldady.