Almatyda eki máslıhat depýtaty ókilettikterin merziminen buryn toqtatty

<p>ALMATY. KAZINFORM &ndash; Qazaqstan halyq partııasynan saılanǵan Almaty qalalyq máslıhatynyń depýtattary Vladımır Vlasov pen Nazerke Mýndahanova ókilettikterin merziminen buryn toqtatty.</p>

QHP-nyń Almaty qalalyq fılıalynyń tóraǵasy Nursultan Shoqanov depýtattarǵa jumysy úshin alǵys aıtyp, olarǵa sáttilik tiledi.

«Vlasov Vladımır Valerevıch pen Mýndahanova Nazerke Erkinqyzy bizdiń partııalyq rezervte qalady jáne partııamyzdyń qyzmetine belsene aralasatyn bolady. Nazerke Erkinqyzy qalamyzdyń arhıtektýralyq kelbetin jaqsarta otyryp, ary qaraı qala qurylysy keńesinde jumysyn jalǵastyrady», - dedi ol.

Ol máslıhat depýtattyǵyna partııanyń 36 úmitkeri bar ekenin atap ótti.

«Ótken jylǵy naýryz aıynda ótken máslıhat depýtattaryn saılaýdyń qorytyndylary boıynsha biz QHP fraktsııasynyń depýtattaryn rotatsııalaý belgili bir kezeńdilikpen júıeli túrde júzege asatynyn aıttyq. Biz ony bir jyl dep belgiledik. Depýtattyq qyzmette adamdardyń aýysýy tyń ıdeıalardyń, keleshegi zor tásilderdiń úzdiksiz aǵynyn qamtamasyz etip, qala máselelerin sheshýge tyń serpin beredi», - dedi partııa fılıalynyń basshysy.

Nursultan Shoqanov sondaı-aq jaqyn ýaqytta partııanyń bıýro otyrysynda aldaǵy kezeńge eki depýtattyń saılanatynyn jetkizdi.

Vladımır Vlasov pen Nazerke Mýndahanovanyń ókilettigin merziminen buryn toqtatý týraly sheshim máslıhattyń XV sessııasyna qatysqan depýtattardyń kópshilik daýysymen qabyldandy.