Almatyda eki kúnde qoǵamdyq kólikterde 150-ge jýyq quqyqbuzýshylyq jasalǵan

<p>Almatyda 11-15 qańtar kúnderi &laquo;Tasymaldaýshy&raquo; jedel-profılaktıkalyq is-sharasy ótti, dep habarlaıdy Kazinform.&nbsp;</p>

Almaty qalalyq polıtsııa departamentiniń málimetinshe, sharanyń maqsaty – qoǵamdyq kóliktegi quqyq buzýshylyqqa tózbeýshilik jáne júrgizýshiler men jolaýshylardyń qaýipsizdigin qamtamasyz etý. Іs-sharaǵa jergilikti atqarýshy organdar, Kólik mınıstrligi kólik komıtetiniń aýmaqtyq bólimsheleri men qoǵam ókilderi qatysty.

«Іs-sharanyń eki kúniniń ishinde Almaty jolaýshylar kóliginde 134 quqyq buzýshylyq anyqtaldy. Onyń ishinde jıi kezdeskeni - azamattarǵa tıisý jáne qoǵamdyq oryndardy lastaý. Sonymen qatar jergilikti polıtsııa qyzmetiniń habarlaýynsha, qoǵamdyq kólikterde alkogoldik ishimdikterdi ishý, temeki buıymdaryn paıdalaný jáne usaq buzaqylyq derekteri kezdesedi», - dep habarlady qalalyq polıtsııa departamentiniń baspasóz qyzmeti.

Eske salaıyq, Almatyda avtobýs bir top adamdy qaqqan edi. Polıtsııanyń málimetinshe, №47-shi baǵyttaǵy qoǵamdyq kóliktiń ishindegi jolaýshy janjal shyǵaryp, júrgizýshi áıeldi urǵan. Saldarynan ol esinen tanyp, kólikti basqara almaı qalǵan.

Apat saldarynan 7 adam zardap shekti. Jedel medıtsınalyq qyzmet kelgenshe úsheýi qaıtys boldy.

Sondaı-aq, Almatyda avtobýs júrgizýshisin urǵan jolaýshyǵa qatysty qylmystyq is qozǵalǵanyn habarlaǵanbyz.

Keıin ol eki aıǵa qamaýǵa alyndy.

Sondaı-aq, Almaty qalalyq polıtsııa departamenti avtobýs júrgizýshisi K. esimdi azamatshadan jábirlenýshi retinde jaýap alynǵanyn málim etken bolatyn.