Almatyda eki kúnde eki zeınetkerdi avtobýs qaǵyp ketti

<p>ALMATY. KAZINFORM &ndash; Almatynyń qoǵamdyq kólikterinen eki zeınetker zardap shekti. Jol-kólik oqıǵalarynyń biri &ndash; Almaly, ekinshisi &ndash; Bostandyq aýdanynda bolǵan.</p>

Polıtsııa departamentiniń málimetine sáıkes, Abaı men Seıfýllın kósheleriniń qıylysyndaǵy aıaldamada turǵan 1938 jylǵy zeınetkerdi avtobýs qaǵyp ketken.

– Jeke tasymaldaýshyǵa tıesili №118 avtobýstyń júrgizýshisi Abaı dańǵylymen batys baǵytta júrip kele jatyp aıaldama kesheninde turǵan 1938 jylǵy adamdy qaǵyp ketti. Jol-kólik oqıǵasynyń saldarynan zeınetker dene jaraqattaryn alyp, aýrýhanaǵa jatqyzyldy, - dep habarlady PD baspasóz qyzmeti.

Sondaı-aq osyǵan uqsas jaǵdaı 17 qyrkúıek kúni Bostandyq aýdanynda Tımırıazev kóshesinde bolǵan. Polıtsııa málimetinshe, Tımırıazev kóshesimen batys baǵytta júrip, solǵa burylǵan qoǵamdyq kólik 1947 jylǵy adamdy qaqqan. Zeınetker kósheni ótýge bolmaıtyn jerden júrip bara jatqan. 

Oqıǵa saldarynan jaraqat alǵan turǵyn aýrýhanaǵa jatqyzyldy. Al, Bostandyq aýdanynyń polıtsııa basqarmasy jol-kólik oqıǵasynyń mán-jaıyn anyqtaýǵa kiristi.

Eske salaıyq, buǵan deıin Almaty mańynda avtobýs kópirden kóliktiń ústine qulaǵanyn jazǵanbyz. 

Keshe Almatyda gazelge soqtyǵysqan moped júrgizýshisi qaıtys boldy.