Almatyda eki kóshe ýaqytsha jabylady

<p>ALMATY. KAZINFORM &ndash; Almatyda Qarasaı batyr men Naýryzbaı batyr kósheleri bir kúnge jabylady.</p>

«16 shilde tańǵy saǵat 09:00-den 17 shilde keshki saǵat 19: 00-ge deıin Qarasaı batyr kóshesi ( Sháripov kóshesinen Qojamqulov kóshesine) deıin qozǵalys jabylady. Sonymen qatar, 17 shilde saǵat 09:00-den 18 shilde saǵat 16:00-ge deıin Naýryzbaı batyr kóshesimen Qarasaı batyr kóshesinen Qabanbaı batyr kóshesine deıin bir jolaqta qozǵalys shekteledi. Qalǵan úsh jolaq boıynsha jol ashyq bolady», - dep habarlady «Almaty jylý jelileri» JShS-nen.

Foto: Almaty ákimdigi

Ýaqytsha shekteýler mundaǵy kólik júretin joldyń astyndaǵy magıstraldyq jylý júıelerin josparly jóndeýge baılanysty engizilip jatyr.

Kompanııa keltirilgen qolaısyzdyq úshin almatylyqtardan keshirim suraıdy.

Sonymen qatar, júrgizýshilerge jol júrý baǵytyn aldyn ala josparlaýǵa keńes beredi.