Qalalyq polıtsııa departamentiniń málimetinshe, júrgizýshi áleýmettik jelilerde jarııalaý úshin qala kósheleriniń birinde drıft jasaǵan. Polıtsııa qyzmetkerleri ony anyqtap, avtokólikti arnaıy aıyppul turaǵyna qoıdy.
- Júrgizýshi ákimshilik jaýapkershilikke tartyldy. Sot sheshimimen oǵan 5 táýlikke ákimshilik qamaý jazasy taǵaıyndaldy. Mundaı kórsetilim úshin jasalatyn áreketterdiń saldary aýyr bolýy múmkin. Árbir quqyq buzýshylyqqa mindetti túrde quqyqtyq baǵa berilip, kináli tulǵalar zań aıasynda jaýapqa tartylady, — dedi Medeý aýdandyq polıtsııa basqarmasy bastyǵynyń orynbasary Aıdar Naǵashybekov.
Eske salaıyq, byltyr Almatyda qalanyń qaq ortasynda drıft jasaǵan júrgizýshi 10 kúnge qamalǵan bolatyn.