Almatyda dárigerler júrek tamyry 99%-ǵa zaqymdanǵan naýqasty qutqardy

<p>ALMATY. KAZINFORM &ndash; Almatylyq kardıologtar júrek tamyrynyń zaqymdanýy 99,9%-dy quraǵan naýqasty aman alyp qaldy. Bul týraly Almaty qalasynyń Qoǵamdyq densaýlyq saqtaý basqarmasy habarlady.&nbsp;</p>

Naýqas Almaty Qalalyq kardıologııalyq ortalyǵyna jiti mıokard ınfarktimen aýyr kúıde kelip túsken. Shuǵyl koronarografııany oryndaý nátıjesinde júrektiń basty tamyry dińiniń 99,9 paıyzǵa zaqymdanǵany, sondaı-aq buryn ornatylǵan úsh shýnttyń bireýi ǵana jumys istegeni anyqtaldy. 

Almaty Qalalyq kardıologııalyq ortalyǵynyń ınterventsııalyq kardıology Aıjan Qulanbaevanyń aıtýynsha, naýqas ortalyqta 20 kún bolǵan. Mundaı jaǵdaı óte sırek kezdesedi.

Ota úsh saǵattan astam ýaqytqa sozylyp, dárigerlerdiń búkil komandasy patsıenttiń ómirin qutqarýǵa bar kúshin saldy. Dárigerlerdiń kásibıligi men jedel áreketteriniń arqasynda naýqastyń jaǵdaıyn turaqtandyrýǵa jáne qajetti em-dom jasaýǵa múmkindik týǵan. Patsıent qazirgi ýaqytta úıge shyǵaryldy.