Almatyda dárigerge kóz jaraqatymen kelýshiler sany artty

<p>ALMATY. KAZINFORM &ndash; Almatyda kóz jaraqatynyń sany artty. Bul týraly Ortalyq qalalyq klınıkalyq aýrýhananyń oftalmologııa bólimshesiniń meńgerýshisi Gúlzat Ábdraıymova aıtty. &nbsp;</p>

Dárigerdiń pikirinshe, jaraqat sanynyń artýy jóndeý jáne qurylys jumystarynyń kóbeıýine baılanysty bolyp otyr.

«Jazǵy maýsymnyń bastalýymen kóz jaraqattary jıilep ketti. Aptasyna aýrýhanaǵa jýǵysh zat jáne boıaýmen, kóz kontýzııasymen, jıhaz qapsyrmasy, shege, plıtka bólshegi tesip ótken jaraqattarmen 4-5 naýqas túsedi»,- dedi ol.

Oftalmolog kózine shege kirip ketken naýqas týraly aıtty.

«Janaryna bógde zat kirip ketken naýqasqa katarakta dıagnozy qoıyldy. Lınzany jasandy lınzaǵa aýystyrý júrgizilip, perıferııalyq kórý saqtaldy. Naýqas qazir úıine shyǵaryldy. Sondyqtan, eger siz jóndeý jumystaryn bastaǵan bolsańyz, qaýipti quraldarmen jumys istegende kózildirik kııýge jáne hımııalyq zattardy qoldanǵanda abaı bolýǵa shaqyramyn», - deıdi dáriger.

Sonymen qatar dáriger oftalmologqa ýaqtyly barý aýrýdyń asqynýynyń aldyn alýǵa jáne kóz saýlyǵyn saqtaýǵa kómektesetinin jetkizdi.

«Ortalyq qalalyq klınıkalyq aýrýhanada oftalmologııalyq qyzmettiń keń spektrin usynatyn oftalmologııalyq bólimshe jumys isteıdi. Munda MÁMS jáne Tegin medıtsınalyq kómektiń kepildendirilgen kólemi aıasynda otanyń barlyq túri jasalady. Kózdiń kúıip qalýy men jaraqattanýy kezinde shuǵyl kómek táýlik boıy qabyldaý bóliminiń oftalmologııalyq kabınetinde kórsetiledi. Aıta ketý kerek, qyzmettiń barlyq túri tek 18 jastan asqan eresek naýqastarǵa usynylady»,-dep túıindedi sózin Gúlzat Ábdraıymova.