Almatyda buzylǵan eski úılerdiń ornynda kópqabatty úıler salynyp jatyr

<p>Almaty qalasynyń Jetisý aýdanynda 161 eski úı bar. Onyń ishinde 18 úı&nbsp; súrilip, olardyń ornyna jańa úıler salyndy. Bul týraly Almaty qalasy Jetisý aýdanynyń ákimi Gúlnar Kókebaeva óńirlik kommýnıkatsııalar qyzmeti brıfınginde aıtty, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Spıkerdiń sózinshe, Almatyda turǵyn úı qoryn jańartý baǵdarlamasy Almaty qalasynyń 2040 jylǵa deıingi bas jospary aıasynda júzege asyrylyp jatyr.

«Raıymbek dańǵylynda ornalasqan eski eki qabatty úılerdiń ornynda jańa 12 qabatty úıler salynǵanyn baıqaǵan shyǵarsyzdar. Sondaı-aq Botkın kóshesinde 9 qabatty úıler salyndy. Bul rette birinshi kezekte turǵan barlyq turǵyn qonystandy. Qazirgi tańda úshinshi kezek boıynsha úılerdi súrý jumystary júrgizilip jatyr. Sonymen qatar Dýlyǵa, Azov jáne Súıinbaı kóshelerindegi jáne ishinara Grıboedov kóshesi boıynsha tozyǵy jetken úılerdiń turǵyndarynyń ótinishimen olar jańa úılerge kóshirildi. Turǵyndardyń bir bóligi Túrksib, Alataý aýdandaryna kóshirildi», - dedi Gúlnar Kókebaeva.

Onyń sózinshe Jetisý aýdanynda búgingi kúni súrilmegen 138 eski úı qaldy. Aldaǵy jaqyn ýaqytta jańartý baǵdarlamasy aıasynda onyń 28-in buzý josparlanǵan. Súrilgen ǵımarattardyń ornyna 40 úı salý josparda bar.