Almatyda Býtakovka men Terrenkýr ózenderiniń boıy abattandyrylady

<p>ALMATY. KAZINFORM &ndash; Almatylyqtardyń súıikti demalys oryndary &mdash; Býtakovka men Terrenkýr boıy abattandyrylady. Bul týraly qala ákimi Erbolat Dosaev atalǵan aýdan turǵyndarymen kezdesý barysynda aıtty.</p>

20 jyldan astam ýaqyt jóndeý kórmegen «Terrenkýr» aýmaǵy qoǵamdyq keńistikterdi damytý aıasynda jańǵyrtylyp jatyr. Onda Toǵan abattandyrylyp, balalar alańdary, demalys aımaqtary, ıoga jáne sportpen aınalysýǵa arnalǵan oryndar jasalady. Qurylys-montaj jumystary bıyl qarasha aıynda aıaqtalady.

Foto: Almaty ákimdigi

 

Sonymen qatar, qala basshysy «Býtakovka» ózeniniń arnasyn qaıta qurý jáne sý qorǵaý beldeýin abattandyrýǵa arnalǵan jobalyq-smetalyq qujattama (JSQ) ázirlenip jatqanyn atap ótti.

Joba arnany qaıta qurý jáne nyǵaıtý, jaıaý júrginshiler jolyn, demalys aımaǵyn, jaryqtandyrýdy jáne myńnan astam aǵash pen buta otyrǵyzýdy qamtıdy. JSQ ázirleý jáne saraptamadan ótkizý osy jyldyń sońyna deıin aıaqtalady.

Foto: Almaty ákimdigi

Aǵymdaǵy jóndeý jumystary aıasynda Almatyda aýla aýmaqtaryn abattandyrý boıynsha 838 mln teńgege 13 joba jáne saıabaqtar men skverlerdi abattandyrý boıynsha 4 joba júzege asyrylady. Barlyq jumys qazan aıynda aıaqtalady.

Sonymen qatar, «Halyq qatysatyn bıýdjet» baǵdarlamasy aıasynda 34 jobany iske asyrýǵa 2 mlrd teńge bólindi. Qazirgi tańda 3 aýla aýmaǵyn abattandyrý, 5 avtomatty sýarý júıesin ornatý jumystary bitti.

Osy jyldyń qazan aıynyń sońyna deıin 17 aýla aýmaǵyn abattandyrý, 2 avtomatty sýarý júıesin ornatý, sondaı-aq 7 skver men sport alańynda jumystardy aıaqtaý kózdelgen.