Almatyda birqatar sala qyzmetkeriniń jalaqysy ósedi

<p>ALMATY. KAZINFORM &ndash; Qoǵamdyq damý basqarmasyna qarasty vedomstvolyq mekeme qyzmetkerleriniń jalaqysy ósedi. Bul týraly qalalyq máslıhattyń kezekti sessııasynda belgili boldy.</p>

Almaty qoǵamdyq damý basqarmasynyń basshysy Aıdar Esenbekovtyń aıtýynsha, basqarmanyń qaramaǵyndaǵy «Óńirlik kommýnıkatsııalar ortalyǵy», «Qoǵamdyq kelisim», «Qoǵamdyq damý ortalyǵy» kommýnaldyq memlekettik mekemesi bar.

Atalǵan mekemelerde ortasha aılyq 167 myń teńge. Eńbekaqy tómen bolǵandyqtan onda kadr tapshylyǵy ózekti jáne jumystyń tıisti deńgeıde júzege aspaýy baıqalady. Bul jaıt jumys barysyna keri áserin tıgizip otyr.

«Basqarma qaramaǵyndaǵy kommýnaldyq mekeme qyzmetkerleriniń eńbekaqysyna qosymsha yntalandyrýdy qarastyrýdy usynyp otyrmyz. Syıaqy tóleý arqyly jalaqy mólsherin 50%-ǵa kóteremiz. Bul basqarma aldyna qoıylǵan mindetterdi oryndaý sapasyna oń áser etetin bilikti kadrlardy tartýǵa múmkindik beredi», – dedi ol.

Eske salaıyq, búgin Almatyda qalalyq máslıhatynyń kezekti XXII sessııasy ótti.