Almatyda biryńǵaı júıege 45 myń kamera qosyldy

<p>ALMATY. KAZINFORM &ndash; Almatyda &laquo;Biryńǵaı beınemonıtorıng júıesi&raquo; jobasyn júzege asyrý jalǵasyp jatyr. Qazir 603 memlekettik jáne 906 jeke nysandy BBJ qosý jumystary júrgizilip jatyr. Bul týraly qalanyń tsıfrlandyrý basqarmasy men Almaty ákimdiginiń jobalyq keńsesi málim etti.</p>

Jobanyń negizgi mindeti – qaladaǵy barlyq beınebaqylaý kameralaryn bir platformaǵa biriktirip,túrli tapsyrmalarǵa arnalǵan beıneaǵyndardy kóp márte paıdalaný jáne naqty ýaqyt rejıminde beıne taldaý qalyptastyrý.

Qazir megapolıste 603 memlekettik jáne 906 jeke nysandy BBJ-ǵa qosý jumystary júrgizilip jatyr.

Biryńǵaı beınemonıtorıng júıesine 45 myń beınekamera qosylǵan.

Osy jyldyń ekinshi toqsanda «Sergek» zııatkerlik qaýipsizdik júıesiniń qosymsha 300 apparattyq-baǵdarlamalyq kesheni ornatyldy.

Aıta keteıik, qalada 9034 beınekameradan turatyn 1641 «Sergek» kesheni jumys istep tur.

Osyǵan deıin Almatynyń beınebaqylaý júıelerine adamnyń bet-álpetin taný fýnktsııasy engiziletini týraly jazǵan edik. 

Osy jyly bet-álpetti taný júıesiniń kómegimen 9 qylmysker anyqtalyp, ustalǵan.