Almatyda bir túnde 3,8 myń tekshe metr qar shyǵaryldy

<p>ALMATY. KAZINFORM &ndash; Almatynyń kommýnaldyq qyzmetteri túnimen qar tazalady.Almaty ákimdiginiń baspasóz qyzmetinen habarlaǵandaı, qalada jaýǵan qardyń bıiktigi 10 sm deıin jetti.</p>

«Almatyda 1 aqpan saǵat 22:30-dan bastalǵan qar búgin túske deıin jaýady dep boljanýda.Túngi ýaqytta 426 birlik arnaıy tehnıka men 278 jumysshy jumyldyryldy. Kóktaıǵaqtyń aldyn alý úshin qar jaýǵanǵa deıin negizgi kósheler suıyq reagenttermen óńdeldi»,- dep atap ótti ákimdikten.

Tańǵy saǵat 05:00-ten bastap 149 shaǵyn kólemdi tehnıkanyń kómegimen trotýarlar men qoǵamdyq oryndarda qar kúrelip jatyr. Túngi ýaqytta 3,8 myń tekshe metr shyǵaryldy.

«Tańǵy saǵat 08:00-den bastap 452 birlik arnaıy tehnıka, onyń ishinde 174 shaǵyn kólemdi tehnıka men 1183 jumysshy qar kúreýge tartyldy.

Aýdan ákimdikterinde jumysty baqylaý úshin táýlik boıy kezekshilik uıymdastyryldy.