Almatyda bir baǵytty jańa kóshe paıda bolady

<p>ALMATY. KAZINFORM &ndash; Almatyda qala turǵyndary men kólik júrgizýshileri Esqaraev kóshesinde úılerdiń tyǵyzdyǵy men kólikterdiń júrý qıyndyǵyna shaǵymdanǵan.&nbsp;</p>

Túsken shaǵymdardyń negizinde Esqaraev kóshesi boıynda kólikter batys baǵytta júretin boldy. 

Almaty qalalyq polıtsııa departamentiniń ákimshilik polıtsııa basqarmasynyń málimetinshe, Esqaraev kóshesiniń Gagarın dańǵyly men Rozybakıev kóshesi arasyndaǵy ýchaskede ǵımarattardyń tyǵyzdyǵyna baılanysty turǵyn úı keshenderiniń turǵyndary men kólik júrgizýshileriniń ótinishteri negizinde Esqaraev kóshesiniń Gagarın dańǵylynan Rozybakıev kóshesine deıingi ýchaskede tájirıbelik maqsatta batys baǵytta birjaqty qozǵalysty uıymdastyrý týraly sheshim qabyldandy.

«Qazirgi ýaqytta jol qozǵalysyn uıymdastyrý shemasy Almaty qalalyq mobıldilik basqarmasy jáne Ákimshilik polıtsııa basqarmasymen kelisildi. Bıylǵy jyldyń 10 sáýirinen bastap birjaqty qozǵalysty engizý josparlanýda. Jol belgileri joǵaryda atalǵan turǵyn úı keshenderin salýshynyń jeke qarajaty esebinen ornatylady», - dep habarlady qalalyq polıtsııa departamentiniń baspasóz qyzmeti.

Aıta keteıik, buǵan deıin Almatyda jylytý maýsymy qashan aıaqtalatynyn jazǵan bolatynbyz.