Almatyda bir aptada 22 myń adam JRVI juqtyrǵan

<p>ALMATY. KAZINFORM &mdash; Almatyda tumaý juqtyrǵandardyń sany áli de azaımaı tur. Bul týraly Almaty qalasy Sanıtarlyq-epıdemıologııalyq baqylaý departamentiniń basshysy Qasymhan Alpysbaıuly aıtty.</p>

Onyń aıtýynsha, Almaty qalasynda qazirgi ýaqytta jedel respıratorlyq ınfektsııalar boıynsha epıdemıologııalyq ahýal turaqty. Degenmen, ótken aptada JRVI, tumaý aýrýlarynyń 22636 jaǵdaıy tirkelgen. Bul aldyńǵy aptamen salystyrǵanda 1,9% paıyzǵa (23086 jaǵdaı) tómen. Al oǵan deıingi apta 16 429 adam tumaý bolyp aýyrǵan.

Almaty qalasynyń bas sanıtarlyq dárigeri tumaýdyń epıdemıologııalyq ósýi kezeńinde S dárýmenin alyp, oksolın jaqpamaıyn qoldanýǵa keńes beredi.

Sondaı-aq, onyń aıtýynsha, jappaı is-sharalar ótetin oryndarǵa barmaǵan jón. Al aýyrǵan jaǵdaıda, óz betimen em-dom qoldanbaı, úıden shyqpastan, medıtsına qyzmetkerin shaqyrýy qajet. Túshkirgende jáne jótelgende aýyzdy qolmen, maılyqpen jaýyp, qoldy jıi jýý qajet.

Eske salaıyq, buǵan deıin SQO-da shoshqa tumaýyn juqtyrǵandar tirkelgenin jazǵanbyz.