Almatyda bir aptada 22 308 adam JRVI juqtyrǵan

<p>Almatyda jiti respıratorlyq vırýstyq ınfektsııa boıynsha epıdemıologııalyq jaǵdaı turaqty. Ótken aptada 22 308 adam jiti respıratorlyq vırýstyq ınfektsııa juqtyrsa, tumaýdyń rastalǵan 2 jaǵdaıy tirkeldi. Bul týraly qalalyq Sanıtarııalyq-epıdemıologııalyq baqylaý departamenti basshysynyń orynbasary Ásel Qalyqova málim etti, dep habarlaıdy <a href="Kazinform" target="_blank" rel="noopener">Kazinform</a>.</p>

Epıdemılog JRVI juqtyrǵandardyń 60,6 paıyzy balalar ekenin atap ótti.

«Aǵymdaǵy epıdemıologııalyq maýsymnyń 45-shi aptasynda A/H3N2 tıpti tumaýdyń 2 rastalǵan jaǵdaıy tirkeldi, barlyq patsıentterge emdeý taǵaıyndaldy, jaǵdaıy qanaǵattanarlyq. Ótken jylǵy epıdemıologııalyq maýsymnyń 40-shy aptasynan bastap tumaýdyń V tıpi jáne A tıpi /H3N2 aınalymda bolǵan, barlyǵy 96 jaǵdaı tirkelgen, onyń ishinde V tıpi - 95, A/H3N2-1 jaǵdaı.Sonymen qatar, jiti respıratorlyq vırýstyq ınfektsııalardyń basqa vırýstary: rınovırýs, bokavırýs, RS vırýs, adenovırýs, paragrıpp, maýsymdyq koronavırýstar aınalymda júr»,- dedi ol.

Aıtýynsha, tumaýdyń aldyn alý maqsatynda qalada 25 qyrkúıekten bastap «táýekel tobyndaǵy» adamdardyń (medıtsına qyzmetkerlerin, medıtsınalyq uıymdarda medıtsınalyq baqylaýǵa jatatyn balalardy, alty aıdan asqan kóp aýyratyn balalardy, jetim balalar men ata-anasynyń qamqorlyǵynsyz qalǵan balalarǵa arnalǵan bilim berý uıymdary, sábıler úıleri balalaryn, júrek-qantamyrlyq júıesiniń jáne tynys alý músheleriniń sozylmaly aýrýlary bar adamdar, jáne epıdemıologııalyq kórsetimderi boıynsha medıtsınalyq-áleýmettik mekemelerdiń (uıymdardyń) qyzmet alýshylar, júktiliktiń 2-shi nemese 3-shi trımestrinde júkti áıelder) tumaýǵa qarsy vaktsınatsııa bastaldy.

Jeke menshiktegi medıtsınalyq ortalyqtarda óz esebinen egilgisi kelgen basqa turǵyndarǵa jáne ártúrli salalarda eńbek etetinderge jumys berýshiler esebinen tumaýǵa qarsy ekpe júrgizilýde.

«Osy jyldyń 10 qarashasyndaǵy jaǵdaı boıynsha tumaýǵa qarsy 243701 adam, onyń ishinde 237356 «táýekel tobyndaǵy» adam (94,9%) egildi, jeke medıtsınalyq ortalyqtarda jumys berýshilerdiń qarajaty esebinen 5284 adam jáne 1061 adam - óz qarajatyna egildi. Tumaýǵa qarsy vaktsınatsııa aǵymdaǵy jyldyń qarasha aıynyń sońyna deıin júrgiziledi»,- dedi Ásel Qalyqova.

Aıta ketý kerek, vaktsınatsııa halyqty tumaý vırýsyn juqtyrýdan qorǵap qana qoımaıdy, sonymen qatar asqynýlar men ólim-jitimdi aıtarlyqtaı azaıtýǵa kómektesedi.