Almatyda bolashaq analarǵa skrınıngtiń eýropalyq standarty qoljetimdi bolady
Joba aıasynda bolashaq analarǵa skrınıngtiń eýropalyq standarty qoljetimdi bolady. ıAǵnı, bul dárigerlerge ishtegi náresteniń týa bitken jáne hromosomalyq patologııany jedel ári dál anyqtaýǵa múmkindik beredi.
Sondaı-aq ishtegi náresteniń ómiri men densaýlyǵy úshin maksımaldy dál boljam jasaı alady. Barlyq qajetti medıtsınalyq tekserýler bir uıymda júrgiziledi. Osy arqyly bolashaq analar ýaqytyn únemdep qana qoımaı, bir kúnniń ishinde barlyq nátıjelerge jyldam qol jetkizedi. Zertteýler zamanaýı dıagnostıkalyq jabdyqta eýropalyq uıymnyń algorıtmi boıynsha tekseriledi.
Barlyq júkti áıelder emhananyń joldamasy boıynsha tegin tekserile alady. Zertteý respýblıka kóleminde alǵash ret uıymdastyrylyp otyrǵan «Bir kúndik Klınıka» pılottyq jobasy aıasynda ótedi.
QR Densaýlyq saqtaý mınıstrliginiń Medıtsınalyq kómekti uıymdastyrý departamentiniń dırektory Maǵrıpa Embergenovanyń aıtýynsha, sońǵy 10 jylda el aýmaǵynda týa bitken aýytqýy bar balalardyń týý jıiligi tómendemegen.
«Osyǵan baılanysty mınıstrlik uryqtyń týa bitken aqaýyn erte dıagnostıkalaý jáne aldyn alý tıimdiligin arttyrýǵa, náreste ólimin jáne balalar múgedektigin tómendetýge baǵyttalǵan prenataldyq medıtsına qyzmetin odan ári jetildirý boıynsha birqatar strategııalyq sheshimdi negizdedi, olardy óz kezeginde halyqaralyq sarapshylar oń baǵalady. Prenataldy ýltradybystyq dıagnostıka jáne medıtsınalyq genetıka boıynsha jetekshi sarapshylardan turatyn sarapshylar toby quryldy. Top Qazaqstan Respýblıkasyndaǵy prenataldy skrınıng erejelerin qaıta qaraýǵa qatysty. Alǵash ret elde perenataldyq medıtsına qyzmetiniń jumysyn retteıtin normatıvtik qujat - Perenataldy ýltradybystyq dıagnostıkany uıymdastyrý jáne medıtsınalyq-genetıkalyq kómek kórsetý standarttary ázirlendi, «Uryqty qorǵaý» respýblıkalyq ortalyǵy qurylyp, 20 aımaqta «Uryqty qorǵaý ortalyǵynyń» jumysy uıymdastyryldy», - deıdi QR Densaýlyq saqtaý mınıstrliginiń Medıtsınalyq kómekti uıymdastyrý departamentiniń dırektory Maǵrıpa Embergenova.
Almaty qalasy Perınatologııa jáne balalar kardıohırýrgııasy ortalyǵy týa bitken júrek aqaýyn perenataldyq dıagnostıkalaýǵa jáne júktilik kezinde ár túrli aýrýy bar áıelderge kómek kórsetýge mamandanǵan jetekshi medıtsınalyq mekeme.
«Biz patsıentterimizge bolashaq balanyń densaýlyǵyna qatysty eń dál jáne ýaqtyly dıagnoz qoıýǵa tyrysamyz. Bir kúndik klınıka júkti áıelderge bir kún ishinde barlyq tekserýden ótýge múmkindik beredi. Munda «osynda jáne qazir» prıntsıpi mańyzdy ról atqarady. Endi biz emdelýshilerge memlekettik tegin medıtsınalyq kómek aıasynda eń zamanaýı medıtsınalyq dıagnostıka men emdeý ádisterin usyna alamyz», - dep atap ótti Almaty qalasy Perınatologııa jáne balalar kardıohırýrgııasy ortalyǵynyń dırektory Gúlnar Nurlanova.