Almatyda bıznes ortalyq órtendi
11:14, 29 Naýryz 2024
<p>ALMATY. KAZINFORM – Almatyda 9 qabatty bıznes ortalyqtyń 8-qabatynan órt shyqty.</p>
Áleýmettik jelide «Keń dala» bıznes ortalyǵynda 8-qabattyń órtengeni týraly vıdeo tarady. Onda órttiń 9-qabatqa taralý qaýpi bar ekeni, kelýshilerdiń ǵımarattan syrtqa shyǵarylǵany jazylǵan.
Almaty qalalyq TJD-nyń málimetinshe, 29 naýryzda saǵat 10:04-te TJD kúshteri men quraldary Medeý aýdanyna, Dostyq dańǵyly, 38 mekenjaıyna jiberildi.
«Oqıǵa ornyna kelgen sátte 9 qabatty bıznes ortalyqtyń 8-qabatynda 30 sharshy metr aýmaqta órttiń shyqqany anyqtaldy. Órttiń 9-qabatqa taralý qaýipi boldy. Tilsiz jaý saǵat 10:24-te oqshaýlanyp, 10:39-da tolyq sóndirildi», - dep habarlady TJD ókilderi.
Kelýshiler ǵımarattan syrtqa shyǵýǵa úlgerip, qaýipsiz jerge ornalasty. Zardap shekkender joq.