Almatyda bıyl jańa elektr stantsııasy iske qosylady

<p>Almatyda qýaty 80 MVT bolatyn qosalqy elektr stantsııasy salynyp jatyr, dep habarlaıdy <a href="https://kaz.inform.kz/" target="_blank" rel="noopener">Kazinform.&nbsp;</a></p>

Almaty ákimdiginiń málimetinshe, elektrmen jabdyqtaý salasyn modernızatsııalaý úshin 200 myń tutynýshyny qamtıtyn elektr qosalqy stantsııasynyń qurylysy júrgizilip jatyr.

«2024 jyldyń qyrkúıeginde qýaty 80 MVt bolatyn «Tuzdy bastaý» qosalqy stantsııanyń qurylysyn aıaqtaý josparda. Aıta keterligi, senimdi jáne úzdiksiz elektrmen jabdyqtaýdy qamtamasyz etý úshin Almaty qalasynyń ákimi Erbolat Dosaevtyń tapsyrmasy boıynsha 2040 jylǵa deıingi perspektıvamen Almaty qalasynyń elektr jelilerin damytýdyń 2030 jylǵa deıingi syzbasynyń jobasy ázirlendi», - dep habarlady ákimdikten.

Oǵan kabeldik jelilerdi, transformatorlyq qosalqy stantsııalardy, jabyq taratý qurylǵylaryn salý jáne rekonstrýktsııalaý kiredi.

Almaty men qalaǵa qosylǵan aýmaqtardy elektrmen jabdyqtaý syzbasyn ázirleý qosymsha elektr qýatyn qosý boıynsha tapshylyqty joıýǵa, Bas josparǵa sáıkes qalanyń damýyn qamtamasyz etýge múmkindik beredi.

«Jobany iske asyrǵannan keıin tozǵan jelilerdiń azaıýyna baılanysty tutynýshylardy elektrmen jabdyqtaý senimdiligin arttyrý kózdelgen. Almaty qalasy boıynsha elektr jelileriniń uzyndyǵy – 8,6 myń km, al elektr jelileriniń tozýy 65%»,- delingen ákimdik taratqan habarlamada.