Almatyda bıyl startaptar men IT salasyna 2,5 mlrd ınvestıtsııa tartyldy

<p>ALMATY. KAZINFORM - Almatyda startaptar men IT ekojúıesin damytý jobasy aıasynda jyl basynan beri 2,5 mlrd teńge ınvestıtsııa tartylyp, 217 jańa jumys orny quryldy. Bul týraly qalanyń tsıfrlandyrý basqarmasy habarlady.</p>

Investıtsııalyq jobalardyń biri - Almaty Cyber Games (ACG). Ortalyq Azııada kıbersport pen oıyn ındýstrııasynyń basty habyn qurýǵa baǵyttalǵan bul joba Almatyda júzege asyrylyp jatyr. Tsıfrlandyrý basqarmasy Setanta otbasy arnalarymen birqatar kelisim jasalyp, halyqaralyq deńgeıdegi iri sporttyq is-sharalar kórsetiletin yntymaqtastyq týraly memorandýmǵa qol qoıylǵanyn málimdedi.

- Almaty Cyber Games - Ortalyq Azııadaǵy televızııa arqyly kórsetiletin alǵashqy kópsalaly kıbersport oqıǵasy boldy, ol Qazaqstanda, Ortalyq Azııada jáne birneshe jaqyn shetelderde kórsetilip keledi. Televıdenıe arqyly jobanyń kórermenderi 6 mıllıon adamǵa deıin keńeıdi, - dep habarlady basqarmadan.

ACG jobasy aıasynda qala ýnıversıtetterine arnalǵan oıyn ındýstrııasy men kıbersport boıynsha bilim berý baǵdarlamalary ázirlengen. Bul baǵdarlamalar 70-ten astam mamandy daıarlap, jumysqa ornalastyrýdy kózdeıdi.

Eske salaıyq, buǵan deıin 20 óńirde IT-ortalyqtar iske qosylatynyn jazǵanbyz.