Almatyda bıyl kólikti mas kúıinde basqarǵan 1,5 myń adam jazalandy

<p>ALMATY. KAZINFORM &ndash; Almatyda patrýldik polıtsııa qyzmetkerleri jyl basynan beri kólikti mas kúıinde basqarǵan 1,5 myńnan astam júrgizýshini jaýapqa tartqan. Bul týraly Almaty qalasy Polıtsııa departamenti Jergilikti polıtsııa qyzmeti basqarmasynyń bastyǵy Serik Shýmaev aıtty.</p>

– Jyl basynan beri qarama-qarsy jolaqqa shyǵyp ketkeni úshin – 690, jalǵan memlekettik tirkeý nómiri bar kólik quralyn basqarǵany úshin – 254, memlekettik nómiri joq kólikti basqarǵany úshin – 991, kólik quralyn mas kúıinde basqarǵany úshin – 1540, kólik quralyn júrgizýshi kýáliginsiz basqarǵany úshin – 3971, apattyq jaǵdaı týǵyzǵany úshin 6848 júrgizýshi jaýapqa tartyldy, – dedi ol.

Sondaı-aq Serik Shýmaev qala polıtseıleri atynan almatylyqtardy jol qozǵalysy erejelerin qatań saqtaýǵa shaqyrdy.

– Kún jylysymen kólikti qatty júrgizýge qumar júrgizýshiler kóbeıedi. Sodan jol erejesi buzylady. Jastar qaýip týdyryp, qala kóshelerimen jarys uıymdastyrady. Sonymen qatar olar kólikterin túrlendirip, tyıym salynǵan jabdyqty, onyń ishinde qatty dybys shyǵaratyn rezonatorlardy ornatady. Bul qala turǵyndarynyń shaǵymyna sebep bolyp jatyr. Osyndaı derekterdiń jolyn kesý maqsatynda aldyńǵy sheptegi polıtsııa bólimsheleri apta saıyn reıdter júrgizedi. Bul jumys áli de jalǵasyn tabady. Bul sharalar joldardaǵy qaýipsizdik deńgeıin arttyrýǵa baǵyttalǵan, – dedi polıtsııa ókili.

Eske salaıyq, Almatyda jaryǵy joq kóshede mopedshi qorshaýǵa soǵylyp, qaıtys boldy.