Almatyda bıyl 2 myńǵa jýyq sheteldik deportatsııalandy

<p>ALMATY. KAZINFORM &ndash; Almatyda zańsyz jumys isteýge keletin sheteldikter kóbeıgen. Bul týraly Almaty qalasynyń Polıtsııa departamenti habarlady.</p>

Polıtsııa málimetine sáıkes, jyl basynan beri Almatyda 14 712 shetel azamaty Qazaqstan Respýblıkasynyń kóshi-qon zańnamasyn buzǵandary úshin ákimshilik jaýapkershilikke tartylǵan. Al 1 737 sheteldik quqyqbuzýshy sottyń sheshimimen elden deportatsııalanǵan. 

– Almatyǵa zańsyz jumys isteýge kóbinese kórshiles Qyrǵyzstan, Ózbekstan, Tájikstan, sondaı-aq Afrıka kurlyǵy elderiniń azamattary keledi. Olar kurylys, qyzmet kórsetý, saýda-sattyq, tamaqtandyrý salalarynda jumys isteıdi, - dep habarlady qalalyq PD baspasóz qyzmeti. 

Almaty qalasy Jumyspen qamtý jáne áleýmettik baǵdarlamalar basqarmasynyń málimetine sáıkes, ótken jyly Almatyda zańdy tulǵalarǵa shetelden jumys kúshin tartýǵa 1 242 kvota bólinse, bıyl 832 birlik ruqsat berilgen.

Al, 2024 jylǵy 1 qyrkúıektegi jaǵdaı boıynsha jergilikti atqarýshy organdardyń ruqsatymen Qazaqstan aýmaǵynda 14 346 shetel azamaty eńbek etedi. 

Eńbek mıgranttary keletin negizgi elder: Qytaı – 3 267 adam, Ózbekstan – 2 080 adam, Túrkııa – 946 adam, Úndistan – 885 adam. 

Eske salaıyq, buǵan deıin Almatyda zańsyz jumys istegen afrıkalyqtar ustalǵanyn jazǵanbyz. 

Sondaı-aq Almatyda sheteldikterdi zańsyz jumysqa alǵan 65 qazaqstandyqqa aıyppul salyndy.