Almatyda beıbit jıyndar men sherýler ótkizý oryndary ózgerdi

<p>ALMATY. KAZINFORM - Máslıhat depýtattary buqaralyq is-sharalar kezinde kóshelerdiń májbúrli jabylýyna baılanysty kólik qozǵalysyna kedergiler keltirmeý maqsatynda kezekti XXII sessııada tıisti sheshim qabyldady.</p>

Qoǵamdyq damý basqarmasynyń basshysy Aıdar Esenbekov búgingi tańda búginde beıbit jınalystar ótkizýge arnalǵan mamandandyrylǵan oryndar - M. Gandı atyndaǵy saıabaq, Sh. Ýálıhanov atyndaǵy jáne «Sary-Arqa» kınoteatrynyń artyndaǵy skverler. Sherýler úshin Shevchenko kóshesi boıymen Sh.Ýálıhanov atyndaǵy skverden M. Gandı atyndaǵy saıabaqqa deıin júrýge bolady.

Sh. Ýálıhanov atyndaǵy skverdi jóndegen soń kólik quraldarynyń oqshaýlanǵan turaqtardy jaılastyrýǵa, qaýipsiz oryndardy, sıgnaldyq baǵanalar men jaıaý júrginshiler ótkelderin jasaýǵa baılanysty Shevchenko kóshesiniń eni azaıdy. Sonymen qatar, buqaralyq is-sharalardy ótkizý kezinde Shevchenko kóshesi boıymen Dostyq dańǵylynan Qonaev kóshesine deıingi qozǵalys jabylady. Bul keptelisterge, basqa kóshelerge shamadan tys júktemelerge, marshrýttardyń ózgerýine jáne qoǵamdyq kólik kestesiniń buzylýyna, jolaýshylar men avtokólik júrgizýshileriniń qolaısyzdyǵyna ákeledi.

Sonymen qatar, qala turǵyndarynan osy skverde mıtıng ótkizbeýge, onyń tynyshtyqty buzatyndyǵyna, sondaı-aq skverdiń tarıhı kelbetine nuqsan keltiretinine qatysty ótinishter kelip tústi.

Joǵaryda aıtylǵandardy eskere otyryp, mamandandyrylǵan oryndy Sh.Ýálıhanov atyndaǵy skverden (tolymdyǵy 1000 adam) Abylaı han dańǵylyndaǵy A. Imanov atyndaǵy skverge (tolymdyǵy 500 adam) aýystyrý týraly usynys tústi, munda kóshelerdi jabýdyń qajeti bolmaıdy jáne jaqyn jerde turǵyn úıler joq.

Qalanyń mamandandyrylǵan oryndaryn buryn belgilengen qamtýdy saqtaý maqsatynda «Sary-Arqa» kınoteatrynyń artyndaǵy skverdiń tolymdylyǵy 500-den 1000 adamǵa deıin ózgertildi.

Sonymen qatar, sanktsııalanǵan sherýler nemese demonstratsııalar ótkizý baǵyty ózgertildi. Jańa baǵyt Jambyl kóshesimen Gagarın dańǵylynan Muqanov kóshesine deıin ótedi. Shevchenko kóshesindegi burynǵy baǵyt kólik aǵyndaryna kedergi keltirdi, óıtkeni ol Seıfýllın, Nazarbaev, Abylaı han dańǵyldary, Jeltoqsan, Naýryzbaı batyr kósheleri sııaqty qalanyń magıstraldyq arterııalaryn kesip ótti.

Óz kezeginde, Jambyl kóshesindegi júkteme azaıady, Gagarın dańǵylynan Muqanov kóshesine deıingi aralyqta 2 jolaq qarastyrylǵan, sonymen qatar magıstraldyq kóshelermen qıylystar joq.

Depýtattar bul ózgeristerdi kópshilik daýyspen qoldady. Atap aıtqanda, Qazaqstan halyqtyq partııasy Almaty qalalyq flıalynyń tóraǵasy Nursultan Shoqanov mıtıngiler úshin jańa oryn qosymsha qolaısyzdyqtar týǵyzbaıtynyn, saıası partııalar men qoǵamdyq birlestikterdiń qyzmetine belgili bir jańalyq engizetinin atap ótti.

«Sherýlerdi ótkizý baǵyttaryn ózgertýdi qoldaımyn, óıtkeni buryn belgilengen baǵyt qalanyń magıstraldy kóshelerimen qıylysyp, qala turǵyndary úshin qolaısyzdyqtar men kóptegen problemalar týǵyzdy. «Sary-Arqa» kınoteatrynyń artyndaǵy skverdegi orynnyń tolymdyǵy 1000 adamǵa deıin ulǵaıtylǵany qýantady. Biz 500 adamǵa arnalǵan mıtıng ótkizdik, onda 1000 adam jaıly ornalasady dep oılaımyn», - dedi Nursultan Shoqanov.